Atyraýda munaı tasymaldaýshylardyń halyqaralyq baıqaýy bastaldy​

2019 jylǵy 5 tamyzdaAtyraýda munaı tasymaldaýshylar arasyndaǵy «Úzdik maman-2019» halyqaralyq baıqaýynyń ashylýy boldy dep jazady Qamshy.kz aqparat agenttigi.​ ​

Eki kúndik jarys «QazTransOıl» AQ-nyń munaı aıdaý stansalarynyń bazasynda ótedi.

Baıqaýǵa qazaqstandyq «QazTransOıl», reseılik «Transneft», Belorýssııadan «Gomeltransneft Drýjba», Ýkraınadan «Ýkrtransnafta», Slovakııadan «Transpetrol», vengerlik MOL ı qytaılyq CNPC kompanııalarynan 44 maman qatysady. Bular – munaı tasymaldaýshylardyń halyqaralyq assosıasııasynyń (MATN) músheleri.

Halyqaralyq baıqaýdyń ashylý saltanatynda Atyraý oblysynyń ákimi Nurlan Noǵaev sharanyń mańyzyn atap ótti.​ ​

– Atyraý oblysy – elimizdiń qarqyndy damyp kele jatqan óńirleriniń biri. О́zderińizge málim, Qazaqstanda óndiriletin munaıdyń 50% bizdiń oblystyń úlesine tıedi. Teńiz, Qashaǵan sııaqty álemdegi alyp ken oryndary osynda ornalasqan, – dedi N.Noǵaev. – Munaıshy mamandyǵy kóptegen mamandyqtardy biriktiredi. Munaıdy izdep, taýyp, óńdeý, tasymaldaý – osy kezeńderdiń barlyǵynda túrli mamandyq ıeleriniń mańyzy zor. Olardyń qyzmeti bir – birinen ajyramas baılanysta.

О́ńir basshysy atap ótkendeı, bundaı jarystar qatysýshylarǵa tek kásibı sheberligin, bilimin kórsetip qana qoımaı, qarym-qatynas ornatyp, tájirıbe almasýǵa múmkindik beredi. Sondaı-aq, olar jarys ótip jatqan eldiń tarıhymen, salt-dástúrimen tanysady.

«QazTransOıl» AQ bas dırektorynyń orynbasary Sábıt Arynovtyń aıtýynsha, kásibı jarystardyń negizgi maqsaty – jumysshy mamandyqtardyń mártebesin kóterý, qyzmetkerlerdiń biliktiligin arttyrý.

- Baıqaý munaı tasymaldaýshylardyń halyqaralyq assosıasııasyna kiretin elderdiń kásibı turǵydan birigip, ozyq tájirıbe-bilimmen almasýyna yqpal etedi. Qatysýshylardyń quramy jyl saıyn jasaryp keledi. Bul munaı tasymaldaý salasyndaǵy jas mamandardyń tájirıbesi molaıyp, biliktiligi artyp kele jatyr degen sóz. Bıylǵy baıqaý Qazaqstannyń munaıynyń 120 – jyldyq mereıtoıymen tuspa-tus kelip otyr,-dedi S.Arynov.​ ​ ​

Baıqaý 8 nomınasııa boıynsha ótedi: «Úzdik jelilik qubyr tartýshy», «Úzdik elektrgazdánekerleýshi»,​«Úzdik hımııa analıziniń laboranty»,​ «Úzdik taýarlyq operator», «Tehnologııalyq jabdyqtardy jóndeý boıynsha úzdik slesar», «Baqylaý-ólsheý aspaptary men avtomatıka boıynsha úzdik slesar», «Elektr jabdyqtaryn jóndeý jáne qyzmet kórsetý boıynsha úzdik elektrmonteri», «Munaı aıdaý stansasyyń úzdik operatory».

Shara aıasynda bolashaq munaı tasymaldaýshylarǵa arnalǵan «Dostyq» («Drýjba») fýtýrologııalyq kapsýlasy salyndy, ol kapsýla áriptes kompanııalardyń qubyr júıesi arqyly júredi – Qazaqstannan Reseıge, ári qaraı Ýkraınaǵa, Belorýssııaǵa, Slovakııaǵa, Vengrııaǵa, Chehııaǵa.​

Halyqaralyq jarystardyń qatysýshylary men qonaqtarynyń nazaryna «Qazaqstan – álemdegi 9-shy terrıtorııa» («Kazahstan – 9 terrıtorııa mıra») ınteraktıvti shoý usynyldy. Aıta keteıik, bundaı kórinis TMD elderinde tuńǵysh ret kórsetilgen eken.​ ​ ​ ​ ​ ​

Vızýaldy jáne dybystyq qoldaýdyń eń ozyq tehnoogııalary qoldanylǵan osy shoý kezinde Qazaqstannyń tarıhy, qazaq halqynyń óneri men mádenıeti týraly málmetter óte tartymdy qylyp berildi. Sonyń ishinde, Atyraýdaǵy jaıaý júrginshi kópiriniń salynýy, ataqty Medeý muz aıdynynyń turǵyzylýy, Baıqońyrdan zymyrannyń ushýy sııaqty qyzyqty oqıǵalar, «Baıterek», Beket atanyń meshiti, Qoja Ahmet Iаssaýıdiń kesenesi sııaqty qasıetti sımvoldar kórinis tapty.

Buny kórgender Qazaqstan – óziniń tarıh-dástúrin qasterleıtin, balashaqqa umtylǵan órkenıetti el degen uǵym alǵany anyq.