Atambaevtyń aınalasyndaǵy daý-damaı qalaı bolyp jatyr?(vıdeo)

Qyrǵyzstan BAQ-tary burynǵy prezıdent Almazbek Atambaevtyń rezıdensııasynda arnaıy jasaqtyń bir bóligi ustalǵanyn habarlady dep jazady Qamshy.kz aqparat agenttigi. 

Kaktus.media málimetinshe, rezıdensııadan birneshe arnaıy jasaq sarbazy ustalǵan. Olardyń keıbiri jaraqat alǵan. Taǵy bireýleri talyp qalǵan. Atambaevtyń jaqtastary olardyń qarýlaryn tartyp alǵany aıtylady. 

Osy ýaqytta Almazbek Atambaevtyń qyzy Álııa Shagıeva ákesiniń ustalǵany jaıly habardy joqqa shyǵardy. 

"Birinshiden, meniń ákem eshqaıdan qashqan joq, ony eshkim ustaǵan joq, ol qaýipsiz jerde degen baryp turǵan jalǵan sóz. Ol áli Qoı-Tashta", - dep jazdy Shagıeva Instagram jelisinde.

Munyń aldynda rezıdensııa aldynda bastalǵan operasııanyń vıdeosy jarııalanǵan edi. Onyń kadrlarynan Atambaevtyń shabýyl aldynda óz úıiniń aýlasynda bolǵany kórinedi. Osy kezde áskerıler oq ata bastaıdy.

+18! Budan ary psıhıkasy turaqsyzdarǵa jáne balalarǵa kontentti kórýge bolmaıdy.

Sýretter 24.kg saıtynan

Osyǵan deıin rezeńke oqpen jaralanǵandardyń arasynda zańsyzdyqqa qarsy halyq shtabynyń bastyǵy Qııas Smalıev pen Jogorký Keneshtiń eks-depýtaty Mırbek Mıskenbaev bar ekeni habarlanǵan. 

Sonymen qatar, portal tilshisi Aıda Djýmashova jaraqat alǵan.

Almazbek Atambaevtyń aınalasynda daý-damaı nege órship ketti?

Shý oblysy boıynsha shuǵyl kómek kórsetý ortalyǵynyń ókilderi shaqyrtý túspegenin habarlady. Biraq dárigerler brıgadalaryn birinshi talap boıynsha jiberýge daıyn. Kýágerlerdiń málimetteri boıynsha, arnaıy quraldyń qyzmetkerleri jaralanǵandarǵa ózderi kómek kórsetedi.

♦Oqı otyryńyz: Atambaevty tutqyndaý kezinde 15-ke jýyq adam jaraqat aldy. Atys áli jalǵasyp jatyr (vıdeo) 

Derekkóz: Tengrinews.kz