"Baqytty otbasy" baǵdarlamasy aıasynda qujat qabyldaý bastalyp ketti. Búgingi kúnniń ózinde respýblıka boıynsha 1129 ótinish túsip sonyń 190-y jeńildetilgen nesıege qol jetkizip úlgergen dep habarlaıdy Qamshy.kz aqparat agenttigi Eýrazııa arnasyna silteme jasap.
"Baqytty otbasy" baǵdarlamasyna kópbalaly analar, múgedek bala asyrap otyrǵandar jáne tolyq emes otbasylar qatysa alady. Qoıylatyn talap mynadaı:
"Belgili bir talaptar bar. Baǵdarlamaǵa qatysýshy QR azamaty bolýy tıis. Tolyq emes otbasy bolsa ajyrasqandaryna 2 jyl tolýy kerek. О́tinim bergen ýaqytta óz atynda úıi bolmaýy qajet. Nur-Sultan qalasynda tirkelgenine 2 jyldan kem bolmaýy tıis. Eń negizgi talap mynadaı: bizde bir aılyq ortasha jalaqy 42 500 teńge. Mysaly, bir otbasynda 5 adam bolsa tabys kólemi 212 500 teńgeden aspaýy mańyzdy. Osy talaptarǵa saı keletin ákimdikke tirkelgen jáne joldamasy bar adamdar ǵana atalǵan baǵdarlamaǵa qatysa alady", - dedi "Turǵyn úı qurylys jınaq banki" AQ Ortalyq fılıaly dırektorynyń orynbasary Janar Izimbetova.
"Baqytty otbasy" baǵdarlamasy jaıynda taǵy bir qulaqqaǵys aqparat. Joǵaryda atalǵan talaptardyń barlyǵyna saqadaı saı kelip, biraq alǵashqy jarnaǵa aqshasy jetpeı turǵandar bolsa, onda jergilikti ákimdikter kómekke keledi.
"Bekitilgen baǵdarlamanyń negizinde jergilikti atqarýshy organ alǵashqy jarnanyń bir bóligin óteıdi. Iаǵnı, alǵashqy jarnaǵa aqshasy jetpeı turǵandarǵa ákimdik 1 mıllıon teńge kóleminde sertıfıkat beredi. Qoǵamdyq keńes bul jobany maquldady. Máslıhattyń kezekti sessııasynda ol bekitiledi. Banktiń barlyq talaptaryna saı kelgen azamattar ákimdikke kelip sol sertıfıkatty alatyn bolady", - qalalyq jumyspen qamtý jáne áleýmettik qorǵaý basqarmasy basshysynyń orynbasary Ánýar Saıpov.
Áleýmettik máseleni alǵash bolyp ákimdiktiń aldyna baryp turyp kótergen astanalyq analar edi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir