• USD 378.65
  • EUR 430.07
  • RUB 6
  • CNY 55.1
23 Tamyz, 20:07:01
Qoryqshylardyń materıaldyq-tehnıkalyq bazasy kúsheıtiledi

07 Maýsym, 2019 Aımaqtar

Prezıdenttik saılaý: kandıdattarǵa eshkim kedergi jasaǵan joq

9 maýsym - Qazaqstannyń bolashaǵyn aıqyndaıtyn taǵdyrsheshti kún

Endi birer kúnde úgit-nasıhat jumystary bitip, halyq óz tańdaýyn jasaıtyn bolady. Aqıqatyn aıtar bolsaq, bir aıdan beri júrgizilip jatqan úgit-nasıhat jumystarynyń kúni, merzimi bitýge taıaý. Aıta ketý kerek, Prezıdenttik dodada synǵa túsken jeti kandıdattyń da esimi elge tanymal. Olardy belgisiz dep aıtýǵa kelmeıdi. Úgit-nasıhat jumystary sylbyr júrgen joq. Barlyǵy da zańnyń aıasynda ótti. Sonshalyqty zań buzýshylyǵy bolǵan joq. Barlyǵyn bas prokýratýra oryndary men tıisti oryndar qadaǵalap otyrdy. Buqaralyq aqparat quraldary da jeti kandıdatty bóle jarǵan joq. BAQ betterinde olar jetkilikti dárejede sóz aldy. Ortalyq saılaý komıssııasy olardyń barlyǵyn rettep otyrdy. Sonymen qatar, Aqparat jáne damý mınıstriligi de BAQ betterinde jarııalanǵan maqalalarǵa monıtorıng jasady. Ortalyq saılaý komıssııasynyń deregine nazar aýdarar bolsaq, kandıdattarǵa qatysty naýqanǵa respýblıka boıynsha 802 BAQ qamtyldy. OSK atap kórsetkendeı, saıası dodaǵa qatysqan úmitkerler týraly ártúrli buqaralyq aqparat quraldarynda 16 myńnan astam materıal jaryq kórdi.

Árıne, atap óter bir jaıt, úgit-nasıhat naýqany belgilengen tártippen, zańmen jáne talappen júretini belgili. Sondyqtan onyń quqyqtyq jaǵyn túsindirý de – basty talap. Osyǵan oraı BAQ betterinde bes myńǵa jýyq maqala jaryq kórdi. Sonymen qatar respýblıkalyq jáne aımaqtyq telearnalarda 13 beınerolık kórsetilgenin aıta ketý qajet.

Aqparat jáne qoǵamdyq damý mınıstrligi de BAQ betterinde jaryq kórgen maqalalar men beınorolıkterdiń jaryq kórý zańdylyǵyn baqylap, qadaǵalap otyrdy. Prezıdenttikke kandıdattardy bóle jarý bolǵan joq. Barlyǵyna teń quqyq berildi. Respýblıkalyq telearnalarda da úmitkerlerdi berý nemese olarǵa sóz berý jáne jarııa etý teń boldy jaǵdaıda ótti. Ortasha eseppen alǵanda, árbir úmitkerdiń úlesi shamamen 14,3 paıyzdy qurady. Respýblıkalyq basylymdarda 13 paıyzdan 17 paıyzǵa deıin, ınternet saıttarda bul kórsetkish 13 paıyzdan 17 paıyzǵa deıin jetkenin aıta ketý qajet.  

Erteń saılaý aldyndaǵy – «tynyshtyq kúni». Sondyqtan bul kúni eshkim, eshqandaı kandıdat, tipti halyq ta úgit-nasıhat jumystaryn júrgizbeıdi. Munyń barlyǵyn OSK mamandary arnaıy túsindirgen, sondyqtan bul talap pen erejeni eshkim de buzbaýy tıis. Bul jaǵynan alǵanda qazirgi ýaqytta halyq óte saýatty ekenin aıta ketkimiz keledi.

9 maýsym Qazaqstannyń bolashaǵyn aıqyndaıtyn taǵdyrsheshti kún desek, artyq emes. Sondyqtan halyq óz tańdaýyn jasaıdy dep senemiz.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir