Balalarǵa dári-dármek tegin berilmek. Qashan?

2020 jyldyń 1-qańtarynan bastap mindetti medısınalyq saqtandyrý júıesiniń ishkerilendirilýi arqasynda balalarǵa arnalǵan dári-dármekter tegin bolmaq. Bul týraly Densaýlyq saqtaý mınıstri Eljan Birtanov málimdedi dep jazady Qamshy.kz aqparat agenttigi.

"Kelesi jyldan bastap áleýmettik medısınalyq saqtandyrý esebinen balalarǵa bekitilgen dári-dármekter tegin bolady. Biz ári qaraı tegin dári-dármek beriletin azamattardyń tizimin keńeıte túspekpiz", - dedi mınıstr.

Eljan Birtanovtyń aıtýynsha, resept arqyly bekitiletin dárilerdiń jalpy naryqtyq quny – 300 mıllıard teńge. Osy kórsetkishtiń úshten biri ǵana memleket esebinen tólenedi.

"Memleket kelesi baǵyttardy dári-dármekpen qamtamasyz etpek: balalar aýrýy, onkologııalyq aýrýlar, týberkýlez jáne psıhıatrııa. Kelesi jyldan bastalatyn bul jeńildikti qazir qolda bar qarjy arqyly eki jyl qamtamasyz ete alamyz", - dedi Birtanov.

Sondaı-aq, mınıstr qazirgi ýaqytta azamattardyń elektrondy medısınalyq kartasy iske qosylyp jatqany týraly aıtty. Onyń aıtýynsha, azamattar elektrondy medısınalyq karta arqyly ózderiniń osy ýaqytqa deıin qaıda emdelgenin jáne qandaı dáriler qabyldaǵanyn bile alady.