Nurtóre Júsip: Jákishevtiń birjola shyǵýyn talap etemiz

Respýblıkalyq Aıqyn gazetiniń dırektory-bas redaktory Nurtóre Júsip óz Facebook paraqshasyna Muhtar Jákishevtiń azattyqqa birjola shyǵýyn talap etip, jazba saldy dep jazady Qamshy.kz aqparat agenttigi.

"Qazaq ýranyn álemdik naryqqa shyǵarǵan, Qazaqstanǵa tikeleı ınvestısııa quıylýyna yqpal etken abzal azamat Muhtar Jákishevtiń azattyqqa birjola shyǵýyn talap etemiz! "Basy isteıtin" qazaqtar kóp emes edi...Solardyń arasynda Muhtar Jákishevtiń orny erekshe. Túrmede densaýlyǵynan aıryldy, azap shekti. Sot ádil sheshim shyǵarýy tıis!",- delingen jazbada.

Esterińizge sala keteıik, osydan on jyl buryn "Qazatomónerkásip" ulttyq kompanııasynyń burynǵy basshysy asa iri kólemde alaıaqtyq jasady jáne ózine senip tapsyrylǵan memleket múlkin talan-tarajǵa salǵan degen aıyppen 14 jylǵa abaqtyǵa toǵytylǵan bolatyn.