Aýdan ákiminiń orynbasaryn órtep jiberdi

О́zbekstanda Qashqadarııa oblysy Iаkkabak aýdanynda kásipker óziniń jańadan salynǵan eki qabatty úıin, dúkenin jáne sehyn súrip tastamaq bolǵan ákim orynbasarynyń ústine janarmaı shashyp, órtep jiberdi dep habarlaıdy Qamshy.kz aqparat agenttigi CA-NEWS (UZ) saıtyna silteme jasap.

Oqıǵa 20-shilde kúni júzdegen kýágerdiń kóz aldynda bolǵan.

Qurylysqa jaýap beretin ákim orynbasary Mansýr Týımaev úıdi súrip tastaýdan bas tartqan tehnıka júrgizýshisiniń janyna jıyrma shaqty adam alyp kelip, oǵan dereý ǵımarattardy qıratýdy tapsyrǵan.

Járdemaqy berilmegendikten, dúkendi buzbaı qoıa turýyn suraǵan kásipkerdiń sózin qulaqqa ilmegen ákim orynbasary Týımaevtyń ústine janarmaı shashyp órtep jibergen. Sheneýniktiń ústinde janyp jatqan lapyldaǵan otty janyndaǵy adamdar sóndirip, ony jedel túrde aýrýhanaǵa alyp barǵan.

О́ziniń qarsylyǵyn osylaı kórsetken kásipkerdi IIM alyp ketken, al áıel, bala-shaǵasy polısııa bólimshesine jetkizildi.

"Dúken qojaıynyń moıynynda kóptegen nesıesi bar ekenin, qolyna úkimet beretin aqshany almaıynsha ǵımaratty buzýǵa ruqsat bermeıtinin aıtty. Bul Týımaevtyń ashýyn keltirdi. Sóıtti de ol býldozer otyryp, barlyǵyn ózi jasamaqshy boldy. Dúkenniń ıesi onyń býldozerden túsýin talap etti. Qarsylyq tanytqan jaǵdaıda órtep jiberetinin eskertti. Biraq ákim orynbasary eregesip býldozerdi otaldyrdy. Muny kórgen kásipker Týımaevtyń ústine janarmaı shashyp, sirińke jaǵyp laqtyryp jiberdi. Bár-aq sátte kóliktiń ishi qyzyl jalynǵa aınaldy. Aınaladaǵylar órtti sóndirip úlgerdi. Al ákim orynbasaryn aýrýhanaǵa alyp ketti",- deıdi kýáger.

Basqa da jandardyń aıtýynsha, ákim orynbasary Mansýr Týımaev birneshe aılar boıy Iаkkabak aýdanynda turatyn halyqqa qysym kórsetip, olardyń úıleri men dúkenderin súrgizip tastaǵan.