• USD 378.65
  • EUR 430.07
  • RUB 6
  • CNY 55.1
20 Tamyz, 16:21:44
Alpınısterdiń naqty qaı jerde ekeni áli belgisiz

17 Shilde, 2019 Oqıǵalar

Páterden jylap shyqty: Qytaıda qaza tapqan qyzdyń sońǵy sátteri taspaǵa túsip qalǵan

Týystarynyń aıtýynsha, Sandıra Serikhandy bireýler ádeıi 17-qabattan qulatyp jibergen.

Chanchjoýdaǵy eń myqty ýnıversıtettiń birine grantqa túsken qandasymyzdyń ómiriniń sońǵy sátteri taspaǵa túsip qalǵan dep habarlaıdy Qamshy.kz aqparat agenttigi KTK telearnasyna silteme jasap. 

Is sýısıd dep jabylǵan. Qytaıda jumbaq jaǵdaıda qaza tapqan stýdent qyzdyń týystary ádilettilikke qol jetkize almaı júr.

Sandıra Serikhan Nur-Sultandaǵy eń maqtaýly gımnazııanyń túlegi. Nebári 16 jasynda qytaı tilin meńgergen qyz birden grantqa oqýǵa túsken. Alaıda, Qytaıǵa arman arqalap ketken qarakózimizdiń elge tabyty keldi. Sondaǵy polısııanyń resmı málimeti boıynsha, sabaǵyn 5-ke oqyp júrgen qyz óz erkimen 17-shi qabattan sekirip ketken.

"Sandıra sýısıd jasady degenge senbeımiz. Ol jazǵy demalysqa úıge jınalyp jatqan. Sol kúnniń aldynda ǵana vıdeomen sóılestik. Baýyrlaryna satyp alǵan syılyqtaryn kórsetip, anasymen máz-meıram bolǵan. Qyzymyzdy ádeıi óltirip otyr", - deıdi marqum qyzdyń naǵashy ápkesi Álnur Aǵaeva.

Qyzdyń ınstagramynan belgili bolǵanyndaı, sol kúni Sandırany Baıan degen basqa bir stýdent klýbqa baraıyq dep qoımaı, aqyry kóndiripti. Onda Madııar jáne Danııar degen dostarymen tanystyrǵan. Kesh sońynda Danııar páterden bir zat alý kerek degen syltaýmen birge barýyn ótinip qoımaǵan eken. Qyz keliskenimen, tabaldyryqtan ári attaǵysy kelmeı turǵany podezdegi taspaǵa túsip qalǵan. Vıdeoda jigit qyzdy jetektep kirgizgen deıdi Álnur Aǵaeva. Birazdan soń Sandıra páterden jylap shyǵady. Ári qaraıǵy jaǵdaı taspadan tys jerde jalǵasqan.

Jigittiń aıtýynsha, qyzdyń 17-shi qabattan qalaı qulap ketkeni esinde joq. Ne úshin jylap júrgenin de túsindirip bere almapty.

"Danııar Imanqulov degen jigit Shymkentten. Qyz nege jylady degen suraqqa jaýap bere almady. Aıtýynsha, ózi de shokta bolǵan", - dep tolyqtyrdy Sandıranyń naǵashy ápkesi.

Bilmeımin dep basyn ala qashqan jigit sol kúıi qarasyn batyrypty. Úsheýi de oqý ornyna izdep barǵan qyzdyń ákesimen jolyǵýdan bas tartyp, telefondaryn sóndirip tastaǵan. Týystary zorlyq-zombylyq jasaldy ma dep kúdiktenedi. Odan qaldy, qyzdyń bir aıaq kıimi terezeniń tusynda qalyp qoıǵan.  Jaqtaýdan saýsaq izderi tabylmaǵan. Sol sebepti de ony bireýdiń laqtyryp jibergenine senimdi. Biraq muny dáleldeý múmkin bolmaı tur. Sebebi, zańy qatal Qytaı máıitti 30 kún tekseredi eken. Munshama ýaqyt kúte almaǵan otbasy qyzdyń denesin saraptamasyz elge ákelýge májbúr bolǵan. Al is "sýısıd" dep jabylyp tynǵan. Elimizdiń dıplomattary isti qaıta qaraýdy surapty. Biraq qorytyndysy ózgermegen.

"Qytaı tarapy bul isti qaıta qarap shyqty. Onyń nátıjesi boıynsha jazataıym oqıǵa bolyp shyqty", - dep túsindirdi syrtqy ister mınıstrliginiń resmı ókili Aıbek Smadııarov.

Nebári 19 jastaǵy Sandıra Serikhan úıiniń úlkeni eken. Otbasynda 4 bala. Kishkentaı baýyrlary ápkesi keledi dep kúnde kútip júr.   

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir