"Bala-shaǵań jetim qalady": Túrkistandaǵy ımamdy belgisiz bireýler otbasynyń kózinshe uryp-soǵyp, qorqytqan (vıdeo)

Túrkistan oblysynda meshit ımamyn otbasynyń kózinshe uryp-soǵyp ketken dep jazady Qamshy.kz aqparat agenttigi. Bul týraly Ilıas Býrhanov esimdi áleýmettik jeli qoldanýshysy habarlady. 

"1990-shy jylǵy kúsh kórsetý áli qalmapty. Myna vıdeodaǵy bizdiń aýyldyń ımamy. Úıine kirip, bala-shaǵasynyń kózinshe uryp ketipti. Áıeliniń aıtýynsha, uryp-soqqan jigitterdiń qolynda qolynda temir bolǵan. Kastet shyǵar. Ajyratýǵa kelgenderdi buzyqtyń eki inisi esiktiń aldynda kirgizbeı ustap turypty. Aýyl jaǵasyn ustap otyr. Jábirlenýshi aýrýhanada, al soqqyǵa jyqqandar "taırandap" júr.  Onymen qosa "óltirip tastaım, bala-shaǵań jetim qalady, maǵan deseń ákim-general-meneralyńdy da alyp kel" degen sózdermen qorqytqan. 

Isti sońyna deıin jiti qadaǵalap, laıyqty jazasyn alýdy suraımyz.  Buny zańdy túrde jazasyn berip toqtatpasaq, kúsh kórsetýdi jaqsy kóretinder kóbeıedi", - dep jazdy Ilıas Býrhanov óziniń feısbýk paraqshasyna.