Taǵdyr tálkegine túskenderdi tárbıeleý – basty paryzymyz

Al bizdiń  1967 jyldan beri kele jatqan ótken jyly negizi qaıtadan qalanǵan OV-156/1  mekemesi tergeý ızolıatory retinde jumys isteıdi. Bul aıypty dep tanylyp, kúdikke ilingen azamattarǵa arnalǵan oryn ekenin aıta ketken jón. Tergeý ızolıatoryna toǵytylǵandar munda sharýashylyq jumystarymen aınalysady. Olardyń barlyǵy da bul jerde qalmaıdy, olarǵa qatysty tıisti krıterııler bar. Anyǵyn aıtý kerek, sharýashylyq jumysyn atqaratyndar merzimdi ýaqyty bes jylǵa deıin kesilgender, olar –mekemede ortasha qaýipsizdik dárejesinde jazasyn ótep jatqandar. Olardy munda sharýashylyq jumystaryna qaldyrý eń aldymen ózderiniń kelisimi boıynsha jáne mekeme basshysynyń sheshimi boıynsha júzege asyrylady.

Jazasyn ótep jatqandarmen tárbıe jumystary Ishki ister mınıstrliginiń №508 buıryǵy boıynsha júzege asyrylady. Árıne túzeý mekemesinde tıisti zańdylyqty saqtaı otyryp, olardyń bilimi men mádenı deńgeıin kóterip, paıdaly istermen aınalysýǵa, ártúrli sharalarǵa qatysýǵa barlyq jaǵdaı jasalǵan.

Shyǵys Qazaqstan oblysy boıynsha DÝIS bólimi OV-156/1 mekemesiniń basshysy, ıýstısııa podpolkovnıgi Qanat Qumarkanuly Júsipov zań talaptaryn qatań saqtap, sottalǵandarǵa áleýmettik-quqyqtyq kómektiń jasalýyna bar jaǵdaı jasap otyr.  OV-156/1  mekemesinde qylmystyq-atqarý qyzmetine oraı, áleýmettik-quqyqtyq, adamgershilik qaǵıdalaryn saqtaý baǵytynda arnaıy erejege sáıkes, barlyq sharalar jasalynyp turady. Kún tártibinde daǵdyǵa aınalǵan erejege oraı, tańerteńgilik tekserý júrgizilip, sodan keıin jazasyn ótep jatqandar ózderine tıisti jumys oryndaryna attanady. Olarǵa kún saıyn arnaıy dárister oqylady. Árbir sottalýshymen óziniń jasaǵan qylmysyna saı, olardyń árqaısysynyń  ereksheline oraı áńgimelesý ótkizilip, tárbıe jumystary júrgiziledi.

Jazasyn ótep jatqan árbir sottalýshymen bizdiń mekemeniń psıhologtary túıtkildi jaǵdaılardyń aldyn alý úshin jeke áńgimelesý ótkizedi. Sondaı-aq psıhologtar jaza basqandarmen arnaıy trenıng ótkizýdi dástúrge aınaldyrǵan. Olardyń kóńil kúıin kóterip, minezindegi emosıonaldyq jaǵdaıdy tómen túsirý úshin mekemede jattyǵýlar, art-terapııa amaldaryn paıdalaný arqyly ártúrli jaǵymdy is-sharalar uıymdastyrylyp otyrady.

Jumystyń qıyn ári kúrdeli ekendigine qaramastan bizdiń basty maqsatymyz –jaza basqandardy zańdy syılap, qurmetteýge úıretý,  adamgershilik qaǵıdalaryn basty murat etý jáne bostandyqta shyqqan soń ómirge qaıta beıimdeý bolyp otyr.

N.K.Tastanbekov, OV jáne SPRSO basshysy, Ádilet kapıtany.