• USD 378.65
  • EUR 430.07
  • RUB 6
  • CNY 55.1
23 Qyrkúıek, 14:01:37
Kekilbaevqa arnalǵan kesh

12 Shilde, 2019 Densaýlyq

Aıaq-qol ósip shyqpaıdy: Múgedektikti rastaýdaǵy bassyzdyqtar

Máseleniń kóterilip kele jatqany búgin de emes, keshe de emes.

Múgedektikti rastaý tóńiregindegi bassyzdyqtar áli de tyıylar emes dep habarlaıdy Qamshy.kz aqparat agenttigi Eýrazııa birinshi arnasyna silteme jasap. 

Depýtattardyń árdaıym saýal joldap otyrǵanyn da eshkim pysqyryp jatqan joq. Saladaǵy shekten shyqqan bıýrokratııa qashan toqtaıdy? 

Aıaǵy joq adam onyń qaıta ósip shyqpaǵanyn jyl saıyn dáleldemeýi kerek.

Lýnara Ryspaıqyzy bulshyq et dıstrofııasy dertine shaldyqqan jan. Súıegi mort synǵysh keledi. Arbaǵa tańylǵan. Arbany da óz aqshasyna alǵan. Tuqym qýalaıtyn derttiń shıpasyn tabý múmkin emes. Alaıda, 20 jyl boıy Lýnara múgedektigin dáleldeýmen júr. О́mir boıy osylaı júremin be dep qapalanady. Jambyldaǵy ápkesinde de týra sol aýrý eken. Biraq onyń ómir boıy múgedek degen statýsy bar, al Lýnarada joq. 

"О́mir baqıǵa áli bermeı jatyr. 1-topty eki jyl buryn berdi. Endi 7 jyl degen. Áli meniń 4-5 jylym bar. Biraq, meniki tuqym qýalaıtyn aýrý. Dárigerler bul aýrýdyń qandaı ekenin jaqsy biledi", - deıdi 1-toptaǵy múgedek Lýnara Ryspaıqyzy.

Máseleniń kóterilip kele jatqany búgin de emes, keshe de emes. Ondaǵan jyl boldy. Estip jatqan eshkim joq. Jaqynda senatorlar taǵy bir márte saýal joldap kórdi.

"Mysaly, aqtóbelik azamat bir jyldan astam ýaqyt múgedektigin rásimdeı almaǵan. Aıaǵynan aıyrylǵan ol qujatyna bir jyl degende áýpirimdep qol jetkizdi. Biraq bir jarym aıdan soń kóz jumdy. Múgedektikti rastaý men qaıta rásimdeý isinde jemqorlyq qaýpi joǵary. Zań normalary aıaǵy ne búıregi sııaqty organynan aıyrylǵan adamdarǵa ómir boıǵy múgedektik alýǵa múmkindik beredi. Alaıda, is júzinde ol oryndalmaıdy", - deıdi QR Parlament senatynyń depýtaty Narıman Tóreǵalıev.

Ashyq derekkózderde bar aqparattar boıynsha elimizde 670 myń múgedek bar. Máseleniń aýqymyn osydan-aq baǵamdaýǵa bolady. Madına Ábilqasymovany almastyrǵan Eńbek jáne halyqty áleýmettik qorǵaý mınıstri Berdibek Saparbaev esep berý jıynyn ótkizip edi. Pozısııasyn anyq bildirdi.

"Ol degen endi bolmaıdy. Qoly joq bolsa, bir jyldan keıin qaıtip qol paıda bolmaıdy ǵoı. Sondyqtan ol bolmaıdy. Biz ony...ol ómir baqı tıisti járdemaqysyn alyp turý kerek", - dedi QR Eńbek jáne Halyqty áleýmettik qorǵaý mınıstri Berdibek Saparbaev.

Máseleniń sheshiler kúni alys emes, deıdi mınıstr. Qazirgi ýaqytta densaýlyq saqtaý, áleýmettik qorǵaý salalarynda aqparattyq platformalar bar. Biraq, elektrondy júıeler áli bir-birimen aqparat almasa almaı júrgen kórinedi. Tek 7 óńirde tájirıbe jumystary endi júrip jatyr. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir