• USD 378.65
  • EUR 430.07
  • RUB 6
  • CNY 55.1
16 Shilde, 23:21:43
Almatyda shaǵyn avtobýs órtke orandy (vıdeo)

11 Shilde, 2019 Suhbat

Almaty oblysynyń ákimi nege ókinedi? (vıdeo)

Oblys ákimi Irına Sovetjanqyzynyń "keıde qyzmet babynda qatty bolyp, qol asytyńyzdaǵy qyzmetkerlerdi jumystan shyǵarýǵa týra eletin jaǵdaılar kezdesedi. Biraq keıin sol áreketińizge ókinetin kezińiz bola ma?" degen suraǵyna jaýap berdi.

"Qamshy suhbat" habarynyń  kezekti qonaǵy — Almaty oblysynyń ákimi Amandyq Battalov. Suhbat barysynda Amandyq Battalov nege ókinetini týraly aıtty dep jazady Qamshy.kz aqparat agenttigi.

— Jaqynda feısbýk paraqshańyzda Olımpıada chempıony Jaqsylyq Úshkempirovpen birge túsken sýretińizdi jarııaladyńyz. Sol sýret sizdiń shynaıy bolmysyńyzdy kórsetip turǵandaı áser etti.  Siz sýrette chempıonmen kezdesip turǵan ákim emes, baýyryn qushaqtaǵan týysqany sekildi jáne júzi jyly adam retinde kórindińiz. Al osyǵan deıin ákimdik qyzmetińizdiń adamı bolmysyńyzǵa kedergi keltirip, unamaıtyn jumystardy isteýge májbúrlegen kezder boldy ma?

Sýrettiń tarıhyna toqtala ketsek. Biz sol kezde Astanada boldyq. Bizdiń delegasııa birge sýretke tústik. Al Jaqsylyq Úshkempirov qalyp qoıypty. Sosyn ol maǵan qaraı júgirip kele jatty. Keıin ekeýmiz birge sýretke tústik. Bizdiń aramyzda qyzyq sóz bar. Bul halyq arasyna da keńinen taralǵan. Almaty oblysynda jaqsylyq bolsyn, amandyq bolsyn dep aıtady. Túsindińiz be?

Men ózim sportqa jaqynmyn. Jaqsylyqty adam retinde qatty jaqsy kóremin. Chempıon bolsa da óte qarapaıym adam. Ekeýmiz birge jarystarǵa birge kórermen bolyp baramyz. Sol kezde meni Almaty oblysynyń ákimi retinde tanystyrady. Kórermender qoshemetin kórsetedi. Al Olımpıada chempıony Jaqsylyq Úshkempirovtiń atyn aıtqan kezde zal shýlaı jóneledi. Kórdińiz be? Halyq ony qatty jaqsy kóredi? Meni jaqsy kórmeıdi dep aıtyp otyrǵanym joq. Jaı ǵana Jaqsylyq Úshkempirov osyndaı halyqtyń yqylasyna ıe bolýǵa laıyqty jan ekenin aıtqym keledi.  Eń bastysy, jastarǵa jaqsy úlgi bolyp júr. 

— Keıde qyzmet babynda qatqyldaý bolyp, qol astyńyzdaǵy qyzmetkerlerdi jumystan shyǵarýǵa týra keletin jaǵdaılar bolyp jatady. Biraq keıin sol áreketińizge ókinetin kezińiz boldy ma?

— Árıne, bolady. Sizder kelmes buryn kadrlyq aýys-túıis boldy. Tipti keıde ashýlanyp sheshim shyǵarǵan soń túski as kezinde júregim aýyratyn kezder bolady. Qatty kettim be, durys aıtpadym ba dep oılanyp, ýaıymdaımyn. Osyndaı sátter mende de bolyp turady. 

Qate tapsańyz, qajetti bólikti tańdap ctrl+enter basyńyz.

Pikir qaldyrý

0 pikir