Aldaǵy qyrkúıekte tegin medısınalyq kómek alý úshin emhanalarǵa tirkelý bastalady

Bólinetin qarjy kólemi jyl saıyn artyp keledi. Bul týraly búgin О́ńirlik kommýnıkasııalar qyzmeti alańynda ótken brıfıng barysynda memlekettik áleýmettik-medısınalyq saqtandyrý (MÁMS) qorynyń Mańǵystaý oblysy boıynsha fılıalynyń basshysy Baqyt Ismahanbetov málimdedi.

Baqyt Torǵaıbaıulynyń aıtýynsha, «2013 jyly kepildik berilgen tegin medısınalyq kómekke 608,1 mlrd teńge bólingen bolsa, 2019 jyly bul qarjy kólemi 972,7 mlrd teńgege jetti. 2017 jyly elimizde medısınalyq kómekke jan basyna shaqqanda 91
myń teńge nemese 280 AQSh dollary jumsalǵan.

Bul 2013 jylǵy kórsetkishten 35 myń teńgege kóp. Al, Ekonomıkalyq yntymaqtastyq jáne damý uıymy elderinde bul kórsetkish 3000 dollardan asyp-jyǵylady. Qarjy tapshylyǵyna – tehnologııa baǵasynyń qymbattaýy, adamdardyń ómir jasynyń uzarýyna baılanysty medısınalyq qyzmetterdi tutyný kóleminiń, medqyzmetti jıi paıdalanatyn – balalar men qart kisiler
sanynyń artýy, sondaı-aq, juqpaly emes sozylmaly aýrýlardyń kóbeıýi sebep».