10 Shilde, 2019 Oqıǵalar
Jambyl oblysynda polıseıdi pyshaqtap, órtep jibergen
Ony óltirýge urlyq sebep bolmaǵan, sebebi qylmysker telefon men aqshaǵa tıispegen.
Jambyl oblysynyń Shý aýdanynda Qordaı aýdandyq polısııa bólimi polısııa qyzmeti maıorynyń órtenip ketken denesi tabyldy dep habarlaıdy Qamshy.kz aqparat agenttigi.
Maıordyń júrek tusyna pyshaq salynǵan. Bul qylmys týraly aqparatty Ekspress-K gazeti anyqtady. Basylym málimeti boıynsha, beıtanys áıel telefonmen Jaısan aýylynyń (Shý qalasynan 15 shaqyrym jerde) mańynda adam denesin kórgenin aıtqan. Artynsha kórsetilgen jerge jedel top qyzmetkerleri kelip, áriptesiniń órtenip ketken denesin kórgen. Bul Qordaı aýdandyq polısııa bóliminiń uıymdastyrýshylyq-saraptamalyq jumys tobynyń ınspektory, polısııa qyzmetiniń maıory 30 jastaǵy Baǵdat Mámileev bolyp shyqty.
Ol eki balanyń ákesi. Deneniń qasynda onyń qujattary bolǵan: jeke kýálik jáne qyzmettik kýálik uıaly telefonmen birge pakettiń ishinde jatqan, onda azǵantaı aqsha, djıns, eki jeıde jáne basqa da kıimder bolǵan. Jolǵa arnalǵan paket deneden 10 metr jerde jatqan.
Polıseıdi anyqtaýǵa erekshe belgisi de kómektesken - ol úsh jyl buryn jol apatyna túsip, jaraqat alǵan eken, denede sol jaranyń izi bar. Ony óltirýge urlyq sebep bolmaǵan, sebebi qylmysker telefon men aqshaǵa tıispegen.
Jambyl polısııasynyń basshylyǵy pikir bildirýden bas tartyp otyr, biraq ólimniń sebebi anyqtalý ústinde.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir