• USD 378.65
  • EUR 430.07
  • RUB 6
  • CNY 55.1
16 Shilde, 23:29:08
Almatyda shaǵyn avtobýs órtke orandy (vıdeo)

10 Shilde, 2019 NEWS

Álibek Áldeneı "Nur Otan" partııasynyń hatshysy bolyp taǵaıyndaldy

Álibek Áldeneı "Nur Otan" partııasynyń hatshysy qyzmetine taǵaıyndaldy

Álibek Áldeneı "Nur Otan" partııasynyń hatshysy qyzmetine taǵaıyndaldy. Bul týraly Baýyrjan Baıbek óz Twitter paraqshasynda habarlady dep jazady Qamshy.kz aqparat agenttigi.  

"Elbasy «keri baılanysty» kúsheıtip, qoǵamnyń suranystaryna sáıkes der kezinde áreket etýdi tapsyrdy. Bul iste halyqpen tıimdi baılanys ornatýdyń jańa joly qajet. Osyǵan baılanysty partııa Lıderiniń kelisimimen Álibek Áldeneı «Nur Otan»-nyń hatshysy bolyp taǵaıyndaldy.",- delingen jazbada.

Álibek Áldeneı — Ál-Farabı atyndaǵy Qazaq ulttyq ýnıversıtetiniń jáne QR Prezıdenti janyndaǵy Memlekettik basqarý akademııasynyń túlegi. Ár jyldary Mádenıet jáne aqparat mınıstrliginde, Halyqaralyq baǵdarlamalar ortalyǵynda, "Samuryq-Qazyna" qory jáne t.b jerlerde jumys istegen.  2015 jyldan bastap  "Almaty" arnasyn basqardy. Osy ýaqyt aralyǵynda kompanııa aınalymy úsh esege ósken. Telearna birinshi ret jaqsy qarjylaı kórsetkishke qol jetkizgen. TNS Gallup Media Asia-nyń málimetine sáıkes, 2018 jyldyń qorytyndysy boıynsha Almaty telearnasynyń jalpy qamtý aýmaǵy qala boıynsha 1.5 mıllıon, al el ishinde 5,5 mıllıonǵa jetken. Úsh jylda arnanyń úlesi 375 paıyzǵa ósti. «Almaty» elimizdiń eń bedeldi on arnasynyń qataryna endi.

2019 jyldyń 16-sáýir kúni Almaty qalasy Qoǵamdyq damý basqarmasynyń basshysy qyzmetine taǵaıyndalǵan.

 

Qate tapsańyz, qajetti bólikti tańdap ctrl+enter basyńyz.

Pikir qaldyrý

0 pikir