• USD 378.65
  • EUR 430.07
  • RUB 6
  • CNY 55.1
16 Shilde, 23:32:32
Almatyda shaǵyn avtobýs órtke orandy (vıdeo)

10 Shilde, 2019 NEWS

Prezıdentke Abaıdyń óleńin oqytqan qyz kim?

Uly aqynnyń 175 jyldyǵyna oraı Abaı óleńderinen úzindi oqýdan estafeta bastaldy

9 jastaǵy mektep oqýshysy qazaqtyń uly aqyny Abaı óleńderinen úzindi oqyp, bul estafetany jalǵastyrýdy Qazaqstan Respýblıkasynyń Prezıdenti Qasym-Jomart Toqaevqa joldaǵan bolatyn dep habarlaıdy Qamshy.kz aqparat agenttigi. 

Prezıdentke estafeta joldaǵan qyzdyń esimi Láılim-Shyraq Rysqalı. Ol "balapan" telearnasynyń júrgizýshisi. 

"Dál qazir men áke retinde erekshe tolqyp, shattanyp otyrmyn. Sebebi, osydan biraz ýaqyt buryn Láılim qyzym, Shynar Sháken bastaǵan Abaı atamyzdyń 175 jyldyǵyna oraı aqyn óleńderin oqý estafetasyn prezıdentimiz Qasymjomart Kemelulyna, Aqparat mınıstri Dáýren Abaevqa jáne ánshi Sáken Maıǵazıev aǵalaryna joldaǵan edi. Men qyzymnyń bul estafetasyn aǵalarymyzdyń attaryn belgilep jelidegi paraqshama salǵanmyn. Endi mine, estafetany alǵashqy bolyp prezıdentimiz jalǵady. Osy bastamany qoldap, balanyń kóńilin jyqpaı, estafetany qabyl alyp jalǵaǵan prezıdent Qasymjomart Kemelulyna kóp-kóp alǵys aıtamyn.Ras, prezıdentimizdiń estafetany qabyl alyp jalǵastyrýy kútpegen tosyn syı boldy. Endi bul máńgige januııamyzdyń tarıxynda erekshe jylylyq pen shattyq syılaǵan sát bolyp qalary sózsiz! Ári Abaıdaı kemeńger bababymyzdyń shyǵarmashylyǵyn erekshe qadirleıtin ádebıet pen óner súıer qaýymnyń da kóńilin serpiltken dúnıe boldy", - dep jazdy Láılimniń ákesi Erlan Rysqalı óziniń feısbýk paraqshasynda.

Qate tapsańyz, qajetti bólikti tańdap ctrl+enter basyńyz.

Pikir qaldyrý

0 pikir