• USD 378.65
  • EUR 430.07
  • RUB 6
  • CNY 55.1
16 Shilde, 23:22:04
Almatyda shaǵyn avtobýs órtke orandy (vıdeo)

09 Shilde, 2019 NEWS

Qasym-Jomart Toqaev Abaıdyń óleńin jatqa oqydy (vıdeo)

Prezıdent kelesi estafetany Bilim jáne ǵylym mınıstri Ashat Aımaǵambetovke, Mádenıet jáne sport mınıstri Aqtoty Raıymqulovaǵa jáne Dımash Qudaıbergenge joldady.

Prezıdent Qasym-Jomart Toqaev  aqyn Abaı Quananbaevtyń 175 jyldyǵyna oraı Uly aqynnyń óleńderinen úzindi oqý estafetasyn jalǵastyryp,  "Ǵylym tappaı maqtanba" óleńin oqydy dep habarlaıdy Qamshy.kz aqparat agenttigi. 

Prezıdent óziniń ınstagram paraqshasynda Abaıdyń óleńin oqyǵan vıdeosyn jarııalady.

"Qadirli aǵaıyn! Kishkentaı baldyrǵan qyzymyz – Láılim-Shyraq Abaıdyń  Júz jetpis bes jyldyǵyna oraı  Uly aqynnyń óleńderinen úzindi oqý estafetasyn maǵan joldaǵan eken. Men bul bastamany zor qýanyshpen qabyldadym. Hakim Abaıdyń esimi árqashan qazaq halqymen qatar aıtylady. Biz Abaıdy ulyqtaý arqyly jas urpaqtyń boıyna ulttyq rýh darytamyz. Abaı arqyly Elimizdi álemge pash etemiz. Bıyl otyzynshy mamyrda danyshpan Abaıdyń Júz jetpis bes jyldyǵyn respýblıkalyq deńgeıde atap ótý jóninde arnaıy Jarlyqqa qol qoıdym. Abaı murasy – bizdiń qasterli qazynamyz! Abaı óleńderin oqý estafetasyn Bilim jáne ǵylym mınıstri Ashat Aımaǵambetovke, Mádenıet jáne sport mınıstri Aqtoty Raıymqulovaǵa jáne búkil álemdi moıyndatqan talantty ánshi Dımash Qudaıbergenge joldaımyn", - dep jazdy ınstagram paraqshasynda.

 
 
 
Posmotret etý pýblıkasııý v Instagram
 
 

Kishkentaı baldyrǵan qyzymyz – Láılim-Shyraq Abaıdyń Júz jetpis bes jyldyǵyna oraı Uly aqynnyń óleńderinen úzindi oqý estafetasyn maǵan joldaǵan eken. Men bul bastamany zor qýanyshpen qabyldadym. Hakim Abaıdyń esimi árqashan qazaq halqymen qatar aıtylady. Biz Abaıdy ulyqtaý arqyly jas urpaqtyń boıyna ulttyq rýh darytamyz. Abaı arqyly Elimizdi álemge pash etemiz. Bıyl otyzynshy mamyrda danyshpan Abaıdyń Júz jetpis bes jyldyǵyn respýblıkalyq deńgeıde atap ótý jóninde arnaıy Jarlyqqa qol qoıdym. Abaı murasy – bizdiń qasterli qazynamyz! Abaı óleńderin oqý estafetasyn Bilim jáne ǵylym mınıstri Ashat Aımaǵambetovke, Mádenıet jáne sport mınıstri Aqtoty Raıymqulovaǵa jáne búkil álemdi moıyndatqan talantty ánshi Dımash Qudaıbergenge joldaımyn.

Pýblıkasııa ot QASYM-JOMART TOQAYEV (@tokayev_online)

Qate tapsańyz, qajetti bólikti tańdap ctrl+enter basyńyz.

Pikir qaldyrý

5 pikir

Ibrahım 10 Shilde, 2019

"Qazaqtyń bas aqyny Abaı (shyn aty Ibrahım) Qunanbaev. Onan asqan burynǵy-sońǵy zamanda qazaq balasynda biz biletin aqyn bolǵan joq. .. Sózi az, maǵynasy kóp, tereń. Kóp sózderin oılanyp daǵdylanǵan adamdar bolmasa, myń ara oqysa da túsine almaıdy. Ne maǵynada aıtylǵany bireý baıandap uqtyrǵanda ǵana biledi.Sondyqtan Abaı sózderi jalpy adamnyń túsinýine aýyr tıetini ras. Biraq ol aýyrlyq Abaıdyń aıta almaǵanynan kemshilik emes, oqýshylardyń túsinerlik dárejege jete almaǵanynan bolatyn kemshilik. ..Sózdiń shyraıly, ajarly bolýyna oıdyń sheberligi kerek; unamdy, oryndy, dámdi bolýyna synshylyq kerek; maǵynaly, mańyzdy bolýyna bilim kerek. Abaıda osy úsheýi de bolǵan. Bulardyń ústine, Abaı kósem, úlgi shyǵaryp, ónege jaıǵysh bolǵan. .. Abaıdyń ár nárseniń asylyn tanyǵany, bilgeni kórinedi. .. Haqıqatty haqıqat qalybynda, tereńdi tereń qalpynda jazǵan. .. Abaıdy qazaq balasy tegis tanyp, tegis bilý kerek." Ahmet Baıtursynuly. "Eger Abaı qazaqtan ózge orazdy jurttardyń biriniń aqyny bolsa, segizdegi balasynan seksendegi shalyna deıin túgel atyna qanyq, sózimen tanys bolar edi, eli týǵanyna súıinip, ólgenine tegis kúıiner edi. .. Ne shara? Bizdiń jurt áli kúnge sheıin mádenıet basqyshynyń eń tómenine aıaq basa almaı tur. .. Abaı syndy aqynnyń kadirin bilmeý qazaq halqynyń zor kemshiligin kórsetýge tolyq jaraıdy, sebebi — qazaq basqa jurtpen úzeńgi qaǵysyp, teń halyq bolyp jasaı almaýy — tarıhy, ádebıeti joqtyqtan. Tarıhy, ádebıeti joq halyqtyń dúnıede ómir súrýi, ulttyǵyn saqtap, ilgeri basýy qıyn. Ádebıeti, tarıhy joq halyqtar basqalarǵa sińisip, jutylyp, joq bolady. ..Abaı syndy aqynnyń kadirin bilmeý qazaq halqynyń zor kemshiligin kórsetýge tolyq jaraıdy, sebebi — qazaq basqa jurtpen úzeńgi qaǵysyp, teń halyq bolyp jasaı almaýy — tarıhy, ádebıeti joqtyqtan. Tarıhy, ádebıeti joq halyqtyń dúnıede ómir súrýi, ulttyǵyn saqtap, ilgeri basýy qıyn. Ádebıeti, tarıhy joq halyqtar basqalarǵa sińisip, jutylyp, joq bolady." Mirjaqyp Dýlatuly. 1914 jyl.

Baqan 10 Shilde, 2019

Keremet bamtama! Rızamyn, qoldaımyn!

Baqan 10 Shilde, 2019

Keremet bastama! Rızamyn, qoldaımyn!

Ersin 10 Shilde, 2019

Nege kesh jarııalap otyr! Men Prezıdentke rıza boldym. Endi qazaq elin aldyńǵy qatarly memleket qylsyn. Sol úshin halyq "bir jaǵadan bas, bir jeńnen qol shyǵaryp" kómektesý kerek.

Janna Ahmetova 11 Shilde, 2019

О́te jaqsy bastama, memleket basshysynan qoldaý taýyp otyr

Aidana 11 Shilde, 2019

О́te qyzyq bastama. Qasym-Jomart Kemeluly bul qyzdy qoldady.