Dımashtyń 70-tegi jankúıeri Amerıkadan Qazaqstanǵa kóship keldi

Dımashtyń ónerine tánti bolǵan AQSh azamatshasy Qazaqstanǵa qonys aýdardy. 70-ke taıap qalǵan zeınetker qazir Nur-Sultan qalasynda turyp jatyr dep habarlaıdy Qamshy.kz aqparat agenttigi Eýrazııa birinshi arnasyna silteme jasap.

О́zi qazaqsha úırenip, ári qazaq balalaryna aǵylshyndy úıretip júr eken. 

Dımashtyń oryndaýyndaǵy «Mahabbat ber maǵandy» tyńdaýy muń eken, Anıta Karl ózine «qalaıda qazaqsha úırenýim kerek!» dep maqsat qoıypty. Dımashtyń ana tilinde saıraý úshin qazaqtardyń ortasynda turýym kerek degen oı kelipti. Sodan AQSh-taǵy typ-tynysh ómirin tastap, Qazaqstanǵa qonys aýdarǵan. Kelesi jylǵa deıin osynda qalam dep otyr. Zeınetker qol qýsyryp otyrmaı, elordadaǵy mektepterdiń birinde aǵylshyn tilinen dáris beredi eken. О́mirimdi kúrt ózgertýge sep bolǵan  Dımashtyń óneri deıdi.

"Dımashtyń daýsyna ǵashyq boldym. Qazaq tilin, Dımash sóıleıtin tildi úırenip júrmin. Eki jyl buryn oryndaýyndaǵy ánderdi estidim de, Máskeýdegi konsertin kórgennen keıin, Qazaqstanǵa baryp turamyn dedim. Onyń ánine ǵashyqtyq meni Qazaqstanǵa barýǵa ıtermeledi. Týǵan jerin kórgenime qýanyshtymyn", - dedi Dımashtyń jankúıeri Anıta Kahl. 

Dımash bilim alǵan Aqtóbedegi №32 qazaq mektep-gımnazııasynan kúnde qonaq arylmaıdy. Sońǵy bir aıda júzge tarta sheteldikti qabyldapty. Árisi AQSh, Germanııa, Ulybrıtanııa, berisi Máskeýden kelgen. Bári de Dımashtyń jankúıerleri eken. Olar Dımash týraly bárin bilgisi keledi. Ánshiniń alǵashqy ustazy Klara Qajǵalıevany saýaldyń astyna alady eken. 

Dımashtyń Astanadaǵy jeke konsertin estigenderi sol eken, jer-jerdegi fanattary Aqtóbege barǵysy keletinderin aıtypty. Týrıstik agenttikterge qolqa salǵandar kóp eken. Solardyń biri  Malaızııadan kelgen otbasy. Iаsmın Abý-Hanıfa ulynyń arbaǵa tańylǵanyna, joldyń shalǵaılyǵyna qaramastan, Qazaqstanǵa ertip kelgen. 

"Dımashtyń ánderi qulaǵymyzda kúni-túni oınap tur. Ol- fenomen. Ekinshi Maıkl Djekson ǵoı. Eger tabanymyz Aqtóbege tımegende, Dımashtyń týǵan jerin kórmegende, ómirimiz bosqa ketti der edik. Men baqyttymyn!", - dedi malaızııalyq jankúıeri Iаsmın Abý-Hanıfa.

Dımashtyń jerlesteriniń kóńilin qaldyrmaıyq dedi me, álde has ónerge degen mahabbat pa, Aqtóbege tabany tıgen sheteldikter onyń shuryq-tesik jolyn da, shań basqan kóshelerin de kórmegen keıip tanytty. Biraq, taksı júrgizýshilerińiz aǵylshyn tilin meńgerse degen ótinishterin aıtyp qaldy. Mekteptegi murajaıyn aralap júrip, Dımashtyń esh jerde jarııalanbaǵan oqýshy kezindegi fotosýretterinen jasalǵan býkletti kórip, balasha qýandy. Tipti, satyp alýǵa daıyn boldy. Qaı jerden alsaq bolady dep surap ta jatty. Ustazdardyń aýzynan bir ǵana dana degenin estigende, kóńilderi sý sepkendeı basyldy. 

Tabynýshylaryna ánshige qatysy bardyń bári qyzyq. Týrdy uıymdastyrýshylar týrısterdiń bar usynystaryn eskerdik dep otyr. Olardy Dımash oqyǵan mektep, saz mektebi, ári qaraı bilimin shyńdaǵan mýzykalyq kolledjge apardy. Jankúıerleri ánshiniń ustazy Marat Áıtimovpen júzdesip, saýaldaryn qoıyp, tipti mýzykadan dáris alýǵa múmkindik aldy.