• USD 378.65
  • EUR 430.07
  • RUB 6
  • CNY 55.1
22 Tamyz, 07:07:31
Senim údesinen shyqqan bank

02 Shilde, 2019 Shyǵys Qazaqstan oblysy

Aǵaıynnyń aýyzbirshiligin kórsetken aýyl kúni

Shyǵystyń aýyldary rýhanı jańǵyryp jatyr. Birinen-biri estafeta alǵandaı aýyl kúnin uıymdastyryp, ata dástúrimiz ben asyl muralarymyzdy jarysa nasıhattaýda

Shyǵystyń aýyldary rýhanı jańǵyryp jatyr. Birinen-biri estafeta alǵandaı aýyl kúnin uıymdastyryp, ata dástúrimiz ben asyl muralarymyzdy jarysa nasıhattaýda. Buǵan deıin Kúrshim aýdanynyń ózinde ǵana Alǵabas, Qaıyńdy, Maraldy sekildi birqatar aýylda atalyp ótken dúbirli toı bul joly Terektibulaq aýylynda jalǵasyn tapty dep habarlaıdy Qamshy.kz aqparat agenttigi. 

Áýeli toıǵa daıyndyq barysynda búkil jurt jınalyp, týǵan aýyldaryn abattandyrýǵa bir kisideı atsalysqan. Eldi mekendegi úıler áktelip, qashalar syrlandy. Kóshe joldary jóndelip, tazalyq jumystary júrgizildi. Aýyldaǵy mádenıet oshaǵy – klýb jóndeýden ótip, osy ǵımarattyń aýlasynda turǵan Baraq batyrdyń eskertkishke erekshe qamqorlyq jasalǵan.  

Aýyl kúnine arnalǵan toıǵa osy ólkeniń týmalary, búginde elimizdiń ár túkpirinde turyp jatqan esimi elge tanys adamdar da keldi. Solardyń ishinde Nur-Sultan qalasynan arnaıy at shaldyrǵan «Egemen Qazaqstan» gazetiniń sýretshisi Aıdarbek Ǵazızov bastaǵan marqasqalar boldy. Saltanatty jıynda aýdan ákimi Dýlat Qajanovtyń quttyqtaý haty oqylyp, kelgen qonaqtar ishinen birqatary izgi tilekterin jetkizdi. Budan keıin osy óńirdiń tól týmasy Kókjarly Kókjal Baraq batyr bastaǵan marqum babalardyń rýhyna quran baǵyshtalyp, as berildi. Bul kúni ulttyq ónerimiz ben ulttyq sportymyzdyń bási bıik turdy. Ásirese, at súıer qaýymnyń delebesin qozdyrǵan báıge de, sport jankúıerlerin qyzyqtyrǵan túrli saıys ta kópshiliktiń kóńilinen shyqty. Qas qaraıa jańarǵan klýbta ónerpazdardyń konserti bastalyp, onyń sońy bı keshi men túrli mádenı sharaǵa ulasty.  

Aıta ketý kerek, «Aýyl kúni» degen atpen ótkizilip jatqan bul merekege bıýdjetten kók tıyn da bólinbeıdi. Barlyq shyǵyn aýyl týmalarynyń jáne demeýshilerdiń qaltasynan shyǵarylyp otyr. Iаǵnı, eldiń shetinde, jeldiń ótinde ómir súrip jatqan aǵaıyndar Elbasynyń «Rýhanı jańǵyrý» baǵdarlamasynda aıtylǵan mindetterdi júzege asyrýǵa óz úlesterin qosyp jatyr deýge tolyq negiz bar. Eń bastysy mundaı mereke eldiń aýyzbirshiligin nyǵaıtyp, berekesin arttyra túspese kemimeıtini anyq. 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir