• USD 378.65
  • EUR 430.07
  • RUB 6
  • CNY 55.1
26 Tamyz, 14:25:06
Nyǵmatýlın Parlamenttiń qos palatasyn birlesken otyrysqa shaqyrdy

03 Shilde, 2019 NEWS

Mańǵystaý oblysynda aýyldyq jerdegi áıel kásipkerlerge arnalǵan oqytý semınary ótti

Is-sharanyń basty maqsaty – áıelder kásipkerligin qoldaý, sondaı-aq aýyl áıelderiniń áleýmettik-ekonomıkalyq áleýetin damytý.

Mańǵystaý oblysynyń Aqtaý qalasynda aýyldyq jerdegi áıel-kásipkerlerge arnalǵan semınar ótti. «Aýyldyq jerlerde áıelder kásipkerligin damytý» atty tegin sheberlik sabaǵy Azııa damý bankiniń qoldaýymen «Atameken» QR UKP uıymdastyryldy.

Semınarǵa oblystyń barlyq aýdanynan 60-qa jýyq áıel kásipker qatysty. Olardyń qatarynda sharýa qojalyqtarynyń basshylary, óndiristik kásiporyndardyń basshylary men jeke kásipkerler bar. Eki kúndik oqytýda bıznes-trener tájirıbelik tapsyrmalar men keıster arqyly áıelderdi kásipkerlik negizderine, býhgalterlik jáne basqarý esebine úıretip, salyq pen ınvestısııa tartý suraqtaryna jaýap berdi. Sonymen birge tyńdaýshylar jeke brendti damytý mańyzdylyǵyn, pıar jumysyn úılestirý men ınternet-marketıng negizderi týraly bilip qaıtty.

Oqytý aıasynda qatysýshylarǵa Qazaqstandaǵy bıznesti júrgizýdegi qarjylaı jáne qarjylaı emes qoldaý týraly Kásipkerler palatasynyń mamandary tanystyrdy. Al kásipkerlikti qoldaý baǵdarlamalary jóninde «Damý» kásipkerlikti damytý qory» AQ óńirlik fılıalynyń qyzmetkerleri keńinen toqtaldy.

Sonymen birge ekinshi deńgeıli bankter men shaǵyn nesıelik uıymdardyń ókilderi názik jandy iskerlerge shaǵyn jáne orta bıznes sýbektileriniń jobalaryn qarjylandyrý baǵdarlamalary men olarǵa qatysý sharttaryn túsindirdi.

Qatysýshylar óz kezeginde semınardyń kásibı biliktilikterin kóterý úshin qajetti shara ekenin, sondaı-aq, aýyldyq jerlerde jappaı kásipkerlikti damytý ıdeıasyn tanymal etýdiń mańyzdylyǵyn atap ótti. Jalpy óńirde 52 myń kásipkerlik sýbektisi tirkelgen, onyń 50%-ǵa jýyǵy áıelder enshisinde.

Aıta ketý kerek, Azııa damý bankiniń qoldaýy sheńberinde «Atameken» uıymdastyrýymen tegin oqý semınarlary elimizdiń 15 óńirinde ótedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir