"IýNESKO Klýbtary IV Shyǵarmashylyq Akademııasynyń" eń úzdik fınalısteri bas qosty

Jastar jyly aıasynda 16-26 maýsym aralyǵynda "IýNESKO Klýbtarynyń IV Shyǵarmashylyq Akademııasynyń" eń úzdik fınalısteri Almaty qalasynda 10-kúndik jastardyń bilim deńgeıin kóterý jáne jan-jaqty damytýǵa baǵyttalǵan ınnovasııalyq platformasynda bas qosty dep habarlaıdy Qamshy.kz aqparat agenttigi. 

Memleket bolashaqqa jospar quryp, odan ári damý aıalaryn anyqtap, jaqyn arada onyń negizgi qozǵaýshy kúshi patrıottyq jáne azamattyq jaýapkershilik rýhynda tárbıelengen jigerli jas kóshbasshylardyń shyǵatynyna senedi. Osyǵan oraı, "IýNESKO Klýbtarynyń shyǵarmashylyq akademııasynyń" tórtinshi kezeńi Qazaqstannyń túkpir-túkpirinen 12-18 jas aralyǵyndaǵy daryndy jastar úshin óz esigin aıqara ashady.

IýNESKO Klýbtarynyń shyǵarmashylyq Akademııasy – elimizdiń jetekshi mamandary úshin bilim berýdiń barlyq salasynda qundy bilim alýǵa múmkindik beretin Qazaqstan jastarynyń biregeı platformasy. Joba baǵdarlamasy Qazaqstannyń barlyq aımaqtaryndaǵy daryndy balalar men jastardyń áleýmettik jaǵdaıyna qaramastan, IýNESKO-nyń mádenıet, ǵylym jáne bilim berý salasyndaǵy ozyq baǵdarlamalaryna tegin qol jetkizýge, sondaı-aq óziniń shyǵarmashylyq jáne ǵylymı darynyn ashýǵa jáne arttyrýǵa múmkindik beredi.

Jobanyń maqsaty: Memlekettiń shyǵarmashylyq jáne ǵylymı áleýettiń bolashaǵyn qalyptastyrýǵa baǵyttalǵan bilim berýdegi ınnovasııalyq tásilderdi júzege asyrý arqyly Qazaqstan Respýblıkasynyń daryndy jastaryn damytý jáne olarǵa qoldaý kórsetý.

«IýNESKO Klýbtarynyń IV Shyǵarmashylyq akademııasy» fınalısteri úzdik tálimgerlermen, sonymen qatar Qazaqstannyń kórnekti óner jáne ǵylym qaıratkerlerimen jańa tájirıbe jınaqtap, shabyttanyp qaıtty.

"Men kishkentaı kezimnen armanshyl balamyn. Kóp armandaımyn, qııaldaımyn. О́z aýylym Badamshada jaıbaraqat júrgen men úshin Qazaqstandaǵy IýNESKO Klýbtarynyń IV Shyǵarmashylyq akademııasyna qatysatyndyǵymdy bilgenim zor qýanysh boldy. О́mirimde aıtarlyqtaı ózgerister oryn aldy. Jobada júrip barlyǵymyzdyń múmkindikterimiz kóp ekenin kórdim: maqsat qoıyp, oǵan jetýge talpynsań qoldaýshylar mindetti túrde tabylady. #UNESCOclubsKZ januıasyna qosylǵanyna qýanyshtymyn. Balalar men jastarǵa QR Tuńǵysh Prezıdenti - Elbasynyń qory, Shevron kompanııalary qoldaý kórsetip jatyr. Osy jaz esten ketpes áser qaldyrdy. Bolashaqqa da josparlarym kóp", - deıdi Gúlnur Sálimgereıqyzy (Aqtóbe oblysy, Badamsha aýyly) IýNESKO Klýbtarynyń IV Shyǵarmashylyq akademııasynyń fınalısti.

Uıymdastyrýshylar: Qazaqstandyq Ulttyq IýNESKO Klýbtarynyń Federasııasy jáne Qazaqstan Respýblıkasynyń Tuńǵysh Prezıdenti – Elbasynyń Qory, «Shevron» kompanııasy men Almaty qalasynyń Ákimdiginiń qoldaýymen.

"Qazirgi sátte túrli emosııalardy bastan keshýdemin. Boıymda baqyt, qýanysh sezimderimen qatar muń da bar. Nege deısizder ǵoı? Sebebi bul joba meniń janyma óte jaqyn, sebebi bul meniń úshinshi jyl qatarynan qatysýym. Shyǵarmashylyq akademııasy - bul elimizdegi jastarǵa qoldaý kórsetetin biregeı joba, jobaǵa qatysý da tegin. Jylda baǵdarlama ózgerip otyrady, jańa daǵdylar shyńdalady, jańa tájirıbe jınaqtap, ózińdi kórsetýge múmkindikter kóp. Eń qıyny, árıne, joba qatysýyshlarymen qoshtasý. 10 kúnniń ishinde barlyǵy baýyrlaryńdaı bolyp ketedi eken. Oqytýshylarǵa da, eriktilerge de, uıymdastyrýshylarǵa da alǵysym sheksiz. Bul joba - maǵan úlken shyǵarmashylyq álemge, óner álemine jol ashqan joba", - deıdi Ilıa Gorbýnov (Qaraǵandy qalasy) IýNESKO Klýbatrynyń IV Shyǵarmashylyq akaedmııasynyń fınalısti.

Jobanyń konkýrstyq kezeńi bizdiń baıtaq elimizdiń 14 oblysynan jáne shalǵaı óńirlerinen 2.000-nan astam daryndy jáne talantty balalar men jasóspirimderdi qamtydy. Qazylar alqasy Akademııaǵa qatysý úshin alty baǵyt boıynsha eń daryndy 50 balany tańdap aldy. 10 kúndik ınnovasııalyq bilim berý baǵdarlamasy tómengi baǵyttardy qamtydy: ǵylym jáne jobalyq belsendilik, kommýnıkatıvti daǵdylar men sheshendik óner, beıneleý óneri, mýzykalyq óner, vokaldyq óner jáne horeografııalyq óner.

"IýNESKO Klýbtarynyń shyǵarmashylyq Akademııasy elimizdiń ǵylymı áleýetine halyqaralyq tájirıbeni paıdalana otyryp, bilim berý jobasynyń tamasha úlgisin qalyptastyrdy. Biz jastardy qazaqstandyq mádenıetti álemdik deńgeıge kóterip, jáne otandyq ǵylymnyń básekege qabilettiligin arttyratyn eldiń ulttyq negizin qalyptastyrýǵa barynsha nasıhattaı otyryp, Qazaqstan Respýblıkasynyń Tuńǵysh Prezıdenti– Elbasy Qory jáne IýNESKO Klýbtarynyń Qazaqstandyq Ulttyq Federasııasymen birlesip jumys isteýge árqashan qýanyshtymyz", - deıdi Janar Qoshpanova, "Shevron" kompanııasynyń qoǵammen baılanys jónindegi úılestirýshisi.

«IýNESKO Klýbtarynyń IV Shyǵarmashylyq akademııasynyń» qorytyndy kezeńinde mýzykalyq, vokaldyq jáne horeografııalyq óner baǵyttary boıynsha fınalısterdiń qatysýymen Gala-konsert ótti. «Arqaıym» etno-folk baǵytyndaǵy tanymal top konsert qonaǵy bolyp, qatysýshylarmen birge óz ónerlerin ortaǵa saldy. Shyǵarmashylyq akademııasynyń kórmesinde beıneleý óneri baǵytyndaǵy fınalıster ataqty sýretshilerdiń jetekshiligimen oryndalǵan qorytyndy jumystaryn usyndy.

«Ǵylymı jumystar men joba jazý» nomınasııasynyń qatysýshylary joba tarıhynda alǵash ret qarapaıym jáne qoljetimdi tilde zııatkerlik jekpe-jek "Science Slam" formatynda óner kórsetti. О́z kezeginde, «Qarym-qatynas ornatý men sheshendik óner» nomınasııasynyń fınalıstteri sheshendik jáne akterlik baǵyttar boıynsha alǵan bilimderin kórsetti, sondaı-aq jazbasha jumystaryn usyndy. Konsert sońynda qatysýshylar sózi de, áni de mahabbatqa, meıirimdilikke toly IýNESKO Klýbtary Federasııasynyń ánuranyn oryndady.