26 Maýsym, 2019 Saıasat
Nazarbaev Toqaevqa qandaı tapsyrma berdi?
Keńeske prezıdent Qasym-Jomart Toqaev jáne qaýipsizdik keńesiniń músheleri qatysty.
Astanada qaýipsizdik keńesiniń otyrysy ótti dep jazady Qamshy.kz aqparat agenttigi. Keńesti qaýipsizdik keńesiniń máńgilik tóraǵasy Nursultan Nazarbaev basqardy. Jıynda Arys qalasyndaǵy qazirgi ahýal jáne elimizdiń sý qaýipsizdigin qamtamasyz etý máseleleri talqylandy. Sondaı-aq keńeske prezıdent Qasym-Jomart Toqaev jáne qaýipsizdik keńesiniń músheleri qatysty.
"Sońǵy aqparatqa sáıkes, zardap shekkenderdiń sany 160-tan asty. Barsha qazaqstandyq birligimizdiń bekem ekenin kórsetip jatqanyn atap ótkim keledi. Elimizdiń ár túkpirinen azamattar alańdaýshylyq bildirýde, túrli uıymdar men kásiporyndardyń jumyskerleri zardap shekkenderge kómek kórsetý úshin birigip jatyr. Bir óńirdiń basyna túsken qıynshylyq – bárimizge ortaq másele. Biz halqymyzdyń yntymaǵynyń arqasynda barlyq qıyndyqty eńseremiz. Barsha qazaqstandyqtarǵa rızashylyǵymdy bildiremin", – dedi Nazarbaev.
Otyrystyń sońynda Arys qalasynda jóndeý jumystaryn júrgizý jáne azamattardyń turǵylyqty jerine oralýyn uıymdastyrý jóninde naqty tapsyrmalar berildi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir