Marǵulan Seısembaı: "Ulttyq Qoǵamdyq Senim Keńesi" múmkindik pe, aldaý ma?"

Dostar, alańnyń ornyna bılikpen kelisimsóz júrgizý kerektigi týraly meniń birneshe postylarymnyń astynda talaı adam óz kelispeýshilikterin bildirdi. Qoǵamnyń bılikke degen senimi múldem joq. Men olardyń bárin túsinemin. Biraq tek kommenterden barlyq qoǵamnyń kóńilin saraptaı almaımyz.

Men saıasatta esh tájirıbem bolmaǵan soń, "UQS Keńes"-inde jumys isteý/istemeýge sheshimin emosııalarmen kommenterge súıenip qabyldaǵan durys bolmas dep oılaımyn.

"UQS Keńes"-inde isteý/istemeý suraǵyna jaýap berý úshin men keshegi postymda jazylǵan synaq ótkizip ózime 10 adamdy tańdap aldym. Men bul adamdardyń azamattyq ustanymdaryna tolyqtaı senemin. Sózderi men isi birge júrgen, bılikke umtylmaǵan, qoǵam úshin shynaıy istep júrgen tulǵalar. Ustanymdary men qaǵıdalary úshin ózderiniń attary men bostandyqtaryn táýekelge salǵan adamdar.

1. Vıtalıı Voronov
2. Evgenıı Jovtıs
3. Bahytjan Toregojına 
4. Marat Asıpov
5. Vadım Boreıko
6. Aıgýl Kenjebaeva (Aigoul Kenjebayeva)
7. Ajar Djandosova
8. Djohar Ýtebekov (Jokhar Utebekov)
9. Dosym Satpaev (Dosym Satpayev)
10. Zhanbolat Mamay

Sizderge mańyzdy suraǵym bar. 
1. Maǵan jańa qurylǵan "UQS Keńes"-ine bılikpen kelisimsóz arqyly saıası reformalardy jasaý úshin barýǵa tura ma álde "UQS Keńes"-i jumysy tıimsiz beker jumys bola ma?

Men tolyqtaı sizderge senip sizderdiń ómirlik tájırıbelerińiz ben azamattyq ustanymdaryńyzǵa senemin. Sizderden neǵurlym tolyq jáne ashyq jaýap suraımyn. Sizderdiń jaýaptaryńyzǵa súıenip men ózimniń kelesi qadamdarymdy josparlaımyn. Jaýap qatsańyz sizge qatty rıza bolamyn!

P.S. 
Bir nárse maǵan sózsiz anyq ol halyqtyń seniminsiz men eshteńe istemeımin de, eshqaıda barmaımyn.

Marǵulan Seısembaı

Feısbýk áleýmettik jelisinen