Italııadaǵy oppozısıoner Shahanovqa nege shúılikti? (vıdeo)

Italııadaǵy qazaq oppozısıoner elimizdiń erteńi úshin shyryldaǵan Muhtar Shahanovqa óziniń YouTube arnasynda úndeý joldady dep jazady Qamshy.kz aqparat agenttigi.

Jaqynda ǵana saılaýda kandıdat bolǵan Ámirjan Qosanovty synǵa alǵan oppozısıoner Turǵymbaı Erjan Shahanovqa:

«Assalaýmaǵaleıkým Muhtar aǵa! Men elden shetelge shyqqanyma bir jarym jyl bolypty, jarty jyl Kıevte turdym. Qazir Italııadamyn, osy jerde júrgenime bir jyl ýaqyt boldy, issaparmen. Bul jerde de bir úıde turyp jatqan joqpyn. Kóshpendi qazaqtyń urpaǵy bolǵan soń, úıden-úıge kóship qonyp júrmin. Biraq qaı jerge kóshsemde sizdiń eki kitabyńyzdy tastamaı alyp júremin. Artyq salmaq dep oılamaımyn. Men basynda saıasatqa aralasyp júrgende orys tilinde sóıleıtinmin. Oryssha oqyǵanmyn, aralasyp júrgen adamdarym da orys tildi edi. Qazaq tilin meńgerý úshin sizdiń kitaptaryńyzdy alyp oqydym. Sebebi saıasatta júrý úshin qazaq tilin bilý mańyzdy. Aıtaıyn degenim ol emes. Sizdiń bedelińiz halyq arasynda, meniń kózqarasymda bıik bolatyn. Halyq sizdi ultjandy tulǵa dep tanıtyn. Bir túsinbeıtinim, sizdiń Toqaevty maqtaǵanyńyz. Men Toqaev pen Nazarbaev ekeýi birdeı dep sanaımyn. Sol sebepti sizben kelispeımin. Sizge ótinishim, osy arnada tikeleı efırde suhbattassaq.. Sizdi úkimet te qoldap jatqan joq sııaqty, múldem sóıletkizbeı jatyr sizdi. Qazirgi zamanǵa sáıkes tikeleı efır arqyly suhbattassaq. Men sizdi kútemin, aǵa»,- dedi.

Sóz sońynda oppozısıoner ózimen qalaı baılanysqa shyǵýǵa bolatynyn aıtyp ketti. Aldaǵy ýaqytta osy usynysty Muhtar Shahanov qabyl alsa, ózderińizben bólisetin bolamyz.