Nursultan qalasynda Nazarbaeva Elbasyna "Qurmetti senator" kýáligi men belgisin tapsyrdy

Nursultan Nazarbaevqa qurmetti senator kýáligi men belgisi berildi, - dep habarlaıdy Qamshy.kz aqparat agenttigi Elbasynyń Baspasóz hatshysy Aıdos Úkibaevtyń Twitter  paraqshasyna silteme jasap. 

Tabystaý sharasy Senat otyrysynda ótti. Tuńǵysh Prezıdentke qurmetti senator kýáligi men belgisin palata spıkeri Darıǵa Nazarbaeva tapsyrdy. 

«Búgin Senat tarıhynda erekshe kún bolyp otyr. О́tken aptadaǵy palata otyrysynda Elbasy Nursultan Ábishuly Nazarbaevqa «Qurmetti Senator» mártebesin berý týraly Memleket basshysy Qasym-Jomart Toqaevtyń bastamasyn senatorlar biraýyzdan qoldap, tarıhı sheshim qabyldady. Senat bıýrosy qabyldaǵan «Qurmetti Senator» mártebesi týraly erejege sáıkes, maǵan arnaıy tósbelgi men kýálikti Sizge Senat atynan tapsyrý júktelip otyr», - dedi Parlament Senatynyń spıkeri Darıǵa Nazarbaeva.

Elbasy Nýrsýltaný Nazarbaevý byl prısvoen statýs "Pochetnyı senator" pic.twitter.com/5t8bDT8uw6

— Aidos Ukibay (@Aidos_Ukibay) 6 ııýnıa 2019 g.

Esterińzge sala ketsek, mundaı usynysty Qasym-Jomart Toqaev ınaýgýrasııa kezinde aıtqan edi.

"Maǵan "Qurmetti senator" mártebesin berý týraly sheshim qabyldaǵanyńyz úshin shyn júregimmen rızashylyǵymdy bildiremin. Bul bizdiń egemen elimizdiń osy jyldardyń ishinde jasaǵan eńbegime degen qurmet dep bilemin", - dep N. Nazarbaev depýtattarǵa alǵys bildirdi. 

Qurmetti senator mártebesi palata otyrystaryna qatysýǵa, qandaı da bir sheshimder qabyldaýǵa qatysýǵa, óz usynystaryn engizýge múmkindik beredi. Alaıda arnaıy mártebe Senattyń daýys berýine qatysýǵa quqyǵy joq.