Jýrnalıst: Qazaqtyń talaı jastaryn mıtıngke shyǵarmaı otyrǵan - solar

–Bılik meshitterge rahmet aıtsyn: qazaqtyń talaı jastaryn mıtıngke shyǵarmaı otyrǵan – solar, - deıdi facebook-tegi belsendi jýrnalıst Jolymbet Mákish dep habarlaıdy Qamshy.kz aqparat agenttigi zakon.kz saıtyna silteme jasap.

"Jastardyń jappaı meshit jaǵalap ketip jatqany durys emes. Bul óte qaýipti qubylys. Dúmshelenýdiń basy. Eshbir adam meshitke ımany tasyǵan soń barmaıdy. Olar meshitke turmysyn ońaltý úshin barady. Eger bıliktegiler solardyń Alladan suraǵanyn taýyp bere alsa, meshitke baratyn adam tappaı qalatyn ediń", degen syńaıda post jazǵan "bir aǵasyna" jaýap bergen Jolymbet Mákish meshit jaǵalaǵan adamnyń jaman bolmaıtynyn aıtyp tastapty.

Qaıta adamdardyń meshitke baryp jatqanyna bılik te, ımamdar da qýanýy kerek,- deıdi jýrnalıst. 

"Aǵa, qazir zaman basqa ǵoı. Qoǵamda dinı renessans bastaldy. Jurt joǵaltqanyn izdep jatyr. Meshitke kóbi turmysyn túzeý úshin emes, ımanyn túgendep, dinge bet burǵannan keıin bara bastady. Oǵan dúmshelenýdiń basy dep baǵa bergen durys emes shyǵar. Qoǵamdaǵy arsyzdyqtan, dinsizdikten jalyǵyp, meshitke qudaıdy izdep, janyna tynyshtyq izdep kelip jatqandar da kóp. Sosyn, adamdardyń meshitke baryp jatqanyna bılik te, ımamdar da qýanýy kerek sııaqty qaıta. Bularda da ishki protest bar. Adam sájdege bostan-bosqa jyǵyla salmaıdy ǵoı. Biraq bular endi qaıtyp eshqashan bılikke qarsy shyqpaıdy. Eger qoǵamdaǵy protestik kúshterdiń bir bóligi dál óstip meshit jaǵalap ketpese, olar qazir kóshede mıtıng jasap shýlatyp júretin edi. Bir jaqty baǵa bermeı, bul máselege ártúrli rakýrstan qaraǵan da durys qoı. Meshit jaǵalaǵan adamnyń jaman bolǵanyn kórgen joqpyn, osy ýaqytqa deıin", – delinedi jýrnalıstiń jazbasynda.