Balalar bankin qurǵan 7 jasar bıznesmen

Barlyq balalar óskende baı jáne ataqty bolýdy armandaıdy. Biraq armanyn kishkentaı kezinde júzege asyra bastaıtyndary az. Hose Adolfo Kvısokala Kostorı – bala kezinen óz bıznesin bastaǵan perýandyq bala dep jazady Qamshy.kz aqparat agenttigi.

Adolfo Kvısokala Kostorı Bala 7 jasynda Perýde alǵashqy balalar bankin qurdy. Al búgin, Hose – 13 jasta. Onyń Bartselana Bank kompanııasy qarjy qyzmetteriniń ártúrli túrimen aınalysady jáne 2 000-nan astam adam klıenti bar.

Mundaı bıznesti qurý ıdeıasy Hosege dostary men basqa kishkentaı balalardy baqylaǵanda kelgen. Kóptegen balalar men jasóspirimder sońǵy aqshalaryna tátti taǵamdarǵa, oıynshyqtarǵa jáne basqa da zattarǵa jumsaıdy. Balalar úshin qarjy máselesi jabyq taqyryp. Olar úshin qarjylyq jáne áleýmettik máselelerdi árqashan úlkender sheshedi. Al Hose kishkentaı balalardyń ata-anasynyń kómeginsiz ózi aqsha tabýdyń jolyn oılap tapty.

Balalar ózderi paıdalanǵan zattardan qalǵan qoqystardy bankke ótkizip, qajetti soma jınalǵanda aqshasyn alady.  Osylaısha, 2012 jyly Hose tarıhı Arekıpa qalasynda Bartselana atty balalar bankiniń negizin qalady. Balalar banktiń klıenti bola otyryp, kem degende 5 keli qaıta óńdeýge bolatyn materıaldardy jınap, ótkizedi. Mysaly: shyny, plastık, qaǵaz nemese metall synyqtaryn. Qajetti somany alý úshin aıyna kem degende 1 keli qaldyq jınaýǵa mindetti.

7 jasar bankır jergilikti qaldyqtardy qaıta óńdeıtin kompanııalarmen kelisip, jınalǵan qaldyqtardan kóp mólsherde aqsha tapty. Banktiń arnaıy shemasy boıynsha tek bank klıentteri ǵana jınalǵan óz aqshalaryn paıdalana alady. Tipti anasy men ákesi balanyń aqshasyn ala almaıdy.

Alǵashqy jylda 1 tonna ártúrli qaldyqtar jınalǵan. Jobanyń bastapqy tabysy aıtarlyqtaı joǵary boldy. Iri bankterdiń biri Hosemen kelisim shartqa otyrdy. Osylaı banktiń qyzmeti kúsheıe tústi. Eldiń barlyq aýmaǵyndaǵy balalar banktiń qyzmetin paıdalana alady. Degenmen kelisimshart buzylyp, Hose óziniń bıznesin derbes damytýdy jalǵastyrdy.

 Jyl saıyn Bartselana banki ósip, jańa múshelerdi qosylýda. Búgingi kúni ol 10 jáne 18 jas aralyǵyndaǵy 2000-nan astam tutynýshyǵa ıe. Hose Kostorı jaqyn arada taǵy bir jergilikti Banco de la Nación bankimen mámile jasaǵan. Jas bıznesmen korporatıvtik kelissózderden jáne basqa kompanııalarmen birlesip jumys isteýden qoryqpaıdy.

 "Men basqa bankter men kásiporyndardyń basshylarymen kezdesýden qoryqpaımyn. Shynymdy aıtsam, eresektermen ózimdi yńǵaıly sezinemin, sebebi olar men usynatyn jobalardy túsinedi", - deıdi 13 jasar kásipker.

Ol sheteldikterge jas kásipkerler týraly fılmder úshin birneshe suhbat berip, kóptegen elderden túrli is-sharalarǵa qatysýǵa shaqyrtý alady. Birneshe qurmetti marapattarǵa ıe Hose Kondorı osylaı ataqty boldy.