Jańa iPhone úlgileri 2019 jyldyń kúzinde tanystyrylady: Qandaı erekshelikteri bolmaq?

Bloomberg basylymy 2019 jyldyń kúzinde tanystyrylatyn jańa iPhone modelderiniń sıpattamalaryn jarııalady dep habarlaıdy Qamshy.kz aqparat agenttigi lenta.ru saıtyna silteme jasap.

Basylymnyń aqparatyna súıensek, Apple kompanııasy úsh túrli smartfon shyǵarmaq. Olardyń barlyǵy A13 jańa prosessorymen jabdyqtalady jáne óndirý barysy mamyr aıynda bastalady. Sonymen qatar, kelesi iPhone Xs jáne Xs Max úlgileri túsirilim kezinde barlyq aýmaqty keń kólemde alýǵa múmkindik beretin úsh negizgi kameralarmen jabdyqtalady. Jańa iPhone Xr úlgisiniń kamerasy da qosymsha optıkalyq úlkeıtý múmkindikterine ıe.

Smartfonnyń syrtqy keıpinde eshqandaı ózgeris bolmaıdy. Alaıda Xs jáne Xs Max jarty mıllımetrge qalyńyraq bolady. Olardy symsyz qýattaý múmkindigi bar. Sonymen qatar, onyń kómegimen jańa AirPods jáne basqa da Qi standarty bar qurylǵylardy da qýattaı alasyz.

Naýryz aıynyń sońynda jańa iPhone syzbasynyń sýretteri jeli jarııalanǵan bolatyn. Jańa qurylǵylar iPhone 11 nemese XI ataýyna ıe bolady degen boljam bar.

Usynǵan: Marjan Sábet