Nátıje kórsetetin komanda jınaý joldary

Elimizdegi jeke kásipte nemese memlekettik uıymdarda jumys jasaıtyn barlyq mamandar, basshylar teorııalyq hám tájirıbelik bilim turǵysynan tolyqqandy jetilgen bolýy shart.

Qamshy.kz aqparat agenttigi óz oqyrmandaryna qandaı da bir paıdasy tıer degen oımen basqarýdyń, ónimdi eńbek etýdiń túrli ádisterin jarııalap keledi. nazarlaryńyzǵa Maıkl Blýmbergtiń komanda jınaýda paıdalanatyn 7 qaǵıdasyn usynbaqpyz.

Bloomberg LP agenttiginde 1200-den asa qyzmetker jumys jasaıdy. Kompanııanyń halyqaralyq arenadaǵy bedeliniń joǵarylyǵy sonsha, bul agenttik taratqan aqparattarǵa kásipkerler, tipti, kúmán keltirmeıdi. Maıkl Blýmberg mundaı jetistikke jetýinde eshqandaı qupııa joqtyǵyn, onyń jalǵyz qupııasy qyzmetkerlerdiń eńbeginde ekenin alǵa tartady. Árıne, qyzmetkerler kez-kelgen kompanııa úshin aldyńǵy qatarly aktıvterge jatatyny daýsyz.

Al Maıkl Blýmberg óz qyzmetkerlerine qalaı motıvasııa beredi? Ári qaraı birge oqıyq.

1. Jumys jaıy men qarajat jóninde qyzmetkerlermen saýdalaspaý qajet

Blýmberg eshkimmen jeke sharttary jóninde talqyǵa túspeıdi. Onyń oıynsha, jalǵyz adamnyń shartymen sátti kásip jasaý ekitalaı. Eń mańyzdysy – qyzmetkerdiń kompanııa jumysyn oryndaý barysynda jan-tánimen, rızashylyqpen áreket etýi. Sonda ǵana komandalyq birlik, komandalyq jumys óz nátıjesin kórsetpek.

2. Jumysqa jańa maman alar ýaqytta barlyq áriptestermen keńesý

Barlyq qyzmetshiler ózderi sheshim qabyldap, qatarlaryna qosqan jańa qyzmetkerdi komandalyq jumysqa tartýdy kózdeıdi. Al eger de burynnan jumys jasap kele jatqan qyzmetkerlerdiń birine jańa kandıdat unamaı qalsa, ony qatarǵa qospaǵan jón. О́ıtkeni, ol adam komandalyq jumysqa keri áser etýi múmkin.

3. Eshkimge kompanııanyń rólin tapsyrmaǵan jón

Eshqandaı qatardaǵy qyzmetker ujymdy onyń negizin qalaýshydan artyq basqara almaıdy. Sondyqtan, Blýmberg kompanııanyń ishki saıasatymen jáne qoǵammen baılanys jumystarymen ózi jeke aınalysady. Sondaı-aq, ol kompanııanyń top-menedjerlerinen BAQ aldyndaǵy, qyzmetkerler men tutynýshylar aldyndaǵy ashyqtyqty talap etedi.

4. Kompanııa qyzmetkerlerine 24 saǵat boıy úlgi kórsetip júrýi qajet

Ujym basshysy jumys barysynda da, jumystan tys ýaqytta da qyzmetkerlerdiń kóz aldynda júrýi kerek. Sol kezde ǵana sapaly eńbek, ónimdi jumys atqarylmaq. Al eger basshy adamda mundaı qasıet bolmasa, oǵan basqarý qabiletin áli de shyńdaı túsý qajettigi týyndaıdy.

5. Árbir qyzmetkerden ózin árdaıym jetildirip otyrýdy talap etý

Maıkl Blýmbergtiń barlyq kompanııalaryna ortaq strategııa – usynylǵan qyzmetterdi úzdiksiz jańartyp otyrý. Bul baǵytty júzege asyrý úshin tek qana árbir qyzmetker óz qabiletin, óz bilimin ushtap otyrǵany abzal.

6. Dress-kodty tolyqtaı joıǵan durys

Blýmbergtiń kompanııasynda djınsymen, uzyn shapan, jeke sán úlgisimen júretin jastar da jumys jasaı alady. Al olardyń jeke qyzyǵýshylyǵyna jumys talaptaryna baılanysty qol suǵý – qate áreket. Blýmbergtiń oıynsha, mamannyń kompanııada baǵalanatyn dúnıesi – onyń syrt keıpi emes, jumys qabileti.

7. Qatardaǵy qyzmetkerlermen jıi baılanys jasaý

Kompanııa basshysy úshin jumysshylarmen, tómengi deńgeıdegi qyzmetkerlermen sóılesip, olardyń oı-pikirin tyńdap turý mańyzdy. О́ıtkeni, úlken jobalardyń barlyǵy kishkene ǵana qadamdardan bastalatynyn umytpaǵan jón. Blýmberg qatelik jasaǵan adamnyń ózindik sheshim shyǵarýyna kedergi jasamaıdy jáne bul áreketinen ózi qoryqpaıdy.

Mine, sátti kásip jasaýdyń negizgi kózderi, negizgi qaǵıdalary – osylar. Jaqsy komanda – jarty bıznes. Qyzmetkerlerdiń áreket etý sapasy arqyly kompanııa ósedi nemese quldyraıdy.

Al ósetin kompanııanyń irgetasyn qalaý úshin jaqsy komanda jınaý qajettiligi týyndap turǵany ras.