Qazaqstandyq avtokólik naryǵynda Toyota kósh bastap tur

2018 jyldyń mamyrynda respýblıka aýmaǵyndaǵy resmı dılerler 5263 jeńil avtokólik satqan, dep habarlaıdy Qamshy.kz aqparat agenttigi. 

Kórsetkish sáýir aıyna qaraǵanda 15,3 paıyzǵa ósken.

Qazaqstandyqtar mamyr aıynda sý jańa jeńil jáne júk kólikterin, sonymen qatar avtobýs satyp alýǵa 48,2 mıllıard tenge qarajat jumsaǵan. Al qańtar-mamyr aılaryndaǵy jeńil avtokólikterdiń ortasha baǵasy 8 156 522 teńgeni quraǵan. О́tken jylǵy mamyr aıymen salystyrǵanda bul kórsetkish 35 paıyzǵa kóp.

Qazaqstandyq avtobıznes assosıasııasynyń málimetine súıensek, mamyr osy jyldaǵy eń nátıjeli ári tabysty aı bolyp otyr. Resmı dılerler 4661 jeńil avtokólik, 602 birlik aýyr kommersııalyq tehnıka satqan. Jyl basynan beri 21 586 sý jańa temir tulpar óz ıesin tapsa, bul dál osy ýaqyttaǵy ótken jylǵy kórsetkishten 40 paıyzǵa artqan.

Satylymy joǵary avtokólikterdiń ondyǵynda Toyota kósh bastap tur. Jyl basynan  beri 1204, al mamyrda 595 osy markadaǵy avtokólikti salonnan jańa ıeleri alyp ketti. Atalmysh markanyń satylymdaǵy belsendiligi Camry 70-ke suranystyń kóptigine baılanysty. Qazirdiń ózinde qazaqstandyq naryqta Toyota-nyń tapshylyǵy baıqalady. Sarapshylar bul defısıt kem degende jazdyń aıaǵyna deıin sozylady deıdi.

Satylym kórsetkishi boıynsha reseılik Lada Granta ekinshi orynda keledi. Bul aıda 365 Lada-ǵa jańa qojaıyn tabyldy.

Al úshinshi orynǵa Hyundai Accent jaıǵasty. Mamyrda jalpy sany 302 Hyundai Accent markaly avtokólik satylyp ketken.