Nazarbaev pen Tramp ekijaqty yntymaqtastyqtyń baǵyttaryn talqylady

Memleket basshysy «AQSh – Islam álemi» sammıti aıasynda birqatar memleketterdiń basshylarymen jáne delegasııa jetekshilerimen qysqa kelissózder ótkizdi, dep habarlaıdy Qamshy aqparattyq agenttigi Aqordaǵa silteme jasap.

Atap aıtqanda, Nursultan Nazarbaev AQSh Prezıdenti Donald Tramppen áńgimelesti. Áńgime barysynda ekijaqty ózara is-qımyldyń negizgi baǵyttary, sonyń ishinde saýda-ekonomıkalyq, saıası jáne mádenı-gýmanıtarlyq salalardaǵy baılanystardy tereńdetý perspektıvasy talqylandy. Eki el prezıdentteri kún tártibindegi halyqaralyq máseleler jóninde de pikir almasty.

Sonymen qatar, Qazaqstan Prezıdenti memleketaralyq yntymaqtastyqtyń túrli máseleleri jóninde Kýveıt memleketiniń Ámiri Sabah ál-Ahmad ál-Djaber as-Sabahpen, Katar Ámiri sheıh Tamım ben Hamad Ál Tanımen, Bahreın Koroli Hamad ben Isa Ál Halıfamen, Abý-Dabıdiń taq murageri, Birikken Arab Ámirlikteri Qarýly kúshteri Joǵarǵy Bas qolbasshysynyń orynbasary, sheıh Muhammed ben Zaıd Ál Nahaıanmen, Iemenniń Prezıdentimen, Mavrıtanııa Prezıdenti Mohammed ýld Ábdel-Ázızben, Pákistannyń Premer-Mınıstri N.Sharıfpen pikirlesti.

Nursultan Nazarbaev Islam yntymaqtastyq uıymynyń Bas hatshysy Iýsef ben Ahmed ál-Ýsaımınmen ózara is-qımyldyń keıbir aspektilerin talqylady.  

Sholýshy: Aıgerim Taýbaı