21 Maýsym, 2012 NEWS
Járken Bódeshuly 1944 jyly 15 mamyr da týǵan. QazMÝ-diń jýrnalıstıka fakýltetin bitirgen. Halyqaralyq «Alash» ádebı syılyǵynyń jáne Túrki tilder elderi poezııasy II festıvaliniń laýreaty. Dúnıejúzi qazaqtarynyń qaýymdastyǵynda, Qazaqstan Jazýshylar odaǵy basqarmasynda, merzimdik basylymdarda jáne memlekettik Kitap palatasynda jaýapty qyzmetter atqarǵan.
shyǵarmalary:
- Kókshe qúraq. О́leńder men poemalar. A., «Jalyn», 1979;
- Qos qanat. О́leńder. A., «Jazýshy», 1982;
- Zeıin. О́leńder men poemalar. A., «Jalyn», 1984;
- Aspan daýsy. О́leńder men poemalar. A., «Jazýshy», 1985;
- Nurly boıaýlar. О́leńder men poema-portretter. A., «Jalyn», 1988;
- Juldyzǵa ornyn aı bermes. О́leńder men poemalar. A., «Sózstan», 1996;
- Emender túnde búrleıdi. A., «Ana tili», 2001;
- Báriniń asyǵy. A., «Jazýshy», 2005;
- Burylys. A., «Sózdik-slovar», 2007.
- Qubylys. A., «Atamura», 2009.
- Juldyztas. A., «Atamura», 2011.
Oqyrman nazaryna aqynnyń "Týǵan jer" óleńin usynyp otyrmyz.
Týǵan jerdiń qar, muzy,
Aıazyńmen «jýyndyr».
Týǵan jerdiń bal qyzy,
Burymyńmen býyndyr.
Týǵan jerdiń bulaǵy,
Tolqynyńmen at meni.
Týǵan jerdiń jylany,
Shyryldatyp shaq meni.
Týǵan jerdiń sheńgeli,
Tyrna aıamaı betimdi.
Týǵan jerdiń ermeni,
Aýzyma quı ótimdi.
Týǵan jerdiń dońyzy,
Qan josa ǵyp jaryp ket.
Týǵan jerdiń qońyzy,
Domalatyp alyp ket.
Týǵan jerdiń qasqyry,
Kemir aqyn súıegin.
Týǵan jerdiń tas, qumy,
Seni osylaı súıemin!
sýret: thenews.kz saıtynan alyndy
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir