29 Naýryz, 2024 Barlyq aımaqtar
Almatyda kúzetshini qatygezdikpen óltirgen kúdikti 14-qabattan sekirmek bolǵan
Áleýmettik jelide Almatydaǵy turǵyn úı kesheniniń kúzetshisin qatygezdikpen óltirgen kúdikti 14-qabattan sekirmek bolǵany týraly vıdeo tarap jatyr.
Foto: ashyq derekkózden
Kisi óltirý oqıǵasy Samal-3, 25-shaǵyn aýdanynda, «Merkýrıı Taýers» turǵyn úı kesheninde bolǵan. Polısııa kelgen kezde kúzetshini uryp-soqqan er adam jasyrynýǵa tyrysqan. Sodan keıin 14-qabattaǵy óz úıine kóterilip, terezeden sekirmek bolǵan.
Polısııa qyzmetkerleri oǵan bul oıyn iske asyrýǵa jol bermeı, kúdiktini ustaǵan.
Sonyń saldarynan 45 jastaǵy er adam kúzetshige ómirine qaýip tóndiretin dene jaraqattaryn salǵan. Kúdikti ustalyp, ýaqytsha ustaý ızolıatoryna qamaldy. Oqıǵanyń basqa da mán-jaılary anyqtalyp jatyr, - delingen polısııa habarlamasynda.
Eske salsaq, 28 naýryz kúni keshki ýaqytta kúzetshi qaqpany jaba bastaǵanda, djıp mingen er adam ony birneshe ret ádeıi qaǵyp, artynan kólikten túsip ony judyryqtaı bastaǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir