"QazAvtoJoldyń" eks-basqarma tóraǵasy ustaldy

"QazAvtoJol" UQ AQ-nyń burynǵy basqarma tóraǵasy Asqar Muratuly  ustaldy. Oǵan aqsha jymqyrý faktisi boıynsha aıyp taǵylǵan. Bul týraly Qarjy monıtorıngi agenttiginiń baspasóz qyzmeti málimdedi. 

"Astana qalasy boıynsha Ekonomıkalyq tergep-tekserý departamentimen Bas kólik prokýratýrasynyń jumys úılestirýimen bir kózden alý jolymen bıýdjettik qarajatty asa iri mólsherde jymqyrý kúdigimen "QazAvtoJol" UQ AQ-nyń eks-basqarma tóraǵasy Asqar Muratuly ustaldy" – delingen habarlamada.

Eske sala keteıik, Asqar Muratuly 2021 jyldyń sáýirinde Qazaqstan Respýblıkasy ındýstrııa jáne ınfraqurylymdyq damý mınıstriniń buıryǵymen "QazAvtoJol" UK AQ Basqarma Tóraǵasy bolyp taǵaıyndalǵan.