Búgin Reseıde búkilhalyqtyq qaraly kún jarııalanǵan. El astanasy Máskeýde terakt bolǵan "Krokýs Sıtı Holl" ǵımaratyna júzdegen adam gúl shoqtarymen kelip, qaza tapqandardy eske alyp jatyr.
Máskeý qalasy men Máskeý oblysynda 5 myńnan astam adam zardap shekkender úshin qan tapsyrǵan.
Sońǵy derekke qaraǵanda, konsert zalǵa jasalǵan lańkestik shabýyl men sonyń saldarynan paıda bolǵan órtten 133 adam qaza taýyp, 152 adam zardap shekken.
Reseı federaldyq qaýipsizdik qyzmeti shabýylǵa qatysy bolýy múmkin 11 adamdy ustaǵanyn, onyń 4-eýi shabýylǵa tikeleı qatysqanyn málim etti.
Terakt úshin Islam memleketi uıymy jaýapkershilik alǵan. Keı reseılik saıasatkerler oqıǵaǵa Ýkraınanyń qatysy bolýy múmkin dep sanaıdy. Resmı Kıev muny úzildi-kesildi joqqa shyǵarady.
Derekkóz: VVS orys qyzmeti
Pikir qaldyrý
pikir