Endi bilim berý uıymdary eskertýsiz tekseriledi

Endi elimizdegi bilim berý uıymdary aldyn ala eskertýsiz tekseriledi.  Bul týraly Oqý-aǵartý mınıstrliginiń baspasóz qyzmetine habarlady.

Sáýir aıynda prezıdent áıelder men balalardyń quqyǵyn qorǵap, qaýipsizdigin qamtamasyz etýge múmkindik beretin zańǵa qol qoıǵan bolatyn.

"Zań sheńberinde jospardan tys tekserý júrgizý tártibi ózgerdi. Endi elimizdiń bilim berý uıymdarynda jospardan tys tekserýlerdi sýbektini aldyn ala habardar etpeı jáne tekserý taǵaıyndaý týraly aktini tirkeýsiz júrgizýge bolady. Bul norma balalardyń quqyǵy buzylǵan jaǵdaıda tekseriske daıyndalýǵa múmkindik bermeıdi" - delingen habarlamada.

Balalardyń quqyǵyn qorǵaý komıteti bilim berý uıymdaryna turaqty túrde tekseris júrgizedi.