Mýsın qyzmetinen ketti. Ol mınıstr retinde nesimen este qaldy?

Baǵdat Mýsın Sıfrlyq damý, ınnovasııalar jáne aeroǵarysh ónerkásibi mınıstri laýazymynan bosatyldy. Bul týraly Aqordanyń baspasóz qyzmeti habarlady.

Ol bul qyzmetke pandemııa kezinde halyq memlekettik qyzmetterdi jappaı onlaın alyp, elektrondyq úkimet portaly qaıta-qaıta qulap jatqanda taǵaıyndalǵan.

Sodan beri 4 jylǵa jýyq atalǵan mınıstrlikke jetekshilik etti.

Mýsınniń tusynda Qazaqstan uıaly baılanys salasynda jeke-dara + 997 kodyna ıe boldy. Endi uıaly baılanys operatorlary tek ózimizge tán osy kodqa óte alady. Al qazirgi qoldanystaǵy +7 telefon kody Qazaqstan men Reseıge qatar berilgen.

Mýsınniń sonymen qatar mınıstr bolyp turǵanda úlken daýǵa da qaldy. 2021 jyly úkimet elektrondyq úkimet portalyn jetildirý úshin reseılik SBER kompanııasynyń platformasyn paıdalanbaq bolǵan. Alaıda qoǵam belsendileriniń “bul - eldiń sıfrlyq qaýipsizdigine qater tóndiredi” degen narazylyǵynan keıin úkimet raıynan qaıtqan.

Biraq elde kóptegen qyzmetter elektrondyq túrde berilgenimen, portal álige deıin aragidik qatyp qalady. Onyń janynda ekinshi deńgeıli bankterdiń mobıldik qosymshasy jyldamyraq isteıdi.