Qamshy.kz
Aqtóbe oblysynyń ákimi Ońdasyn Orazalın Yrǵyz, Áıteke bı, Baıǵanın jáne Shalqar aýdandarynyń ákimderin qabyldady. Olar aýdandarynyń osy jyldyń alty aıy ishinde áleýmettik-ekonomıkalyq damýynyń qorytyndysy týraly baıandap, ekinshi jartyjyldyń negizgi damý basymdyqtaryn anyqtady. Aýdandardaǵy sanıtarlyq-epıdemıologııalyq jaǵdaı da óńir basshysynyń qatań baqylaýynda.
Aýdan basshylary jaǵdaıdyń turaqty ekenin, qajetti dári-dármekpen jáne kereýet oryndarymen qamtylyp jatqandyǵyn aıtty.
"Sizder túrǵyndardy tolǵandyratyn máseleni jaqsy bilýlerińiz qajet jáne soǵan jedel áreket etýlerińiz tıis. Bizde Prezıdenttiń agrarlyq sektordy damytý boıynsha tapsyrmasyn oryndaýǵa barlyq múmkindik bar. Nıeti bar, eń bastysy jumys istegisi keletin sharýalardy barynsha qoldaý kerek. Sizder áleýmettik nysandardy, avtokólik joldaryn jóndeý jumystarynyń barlyǵyn sapaly ári ýaqytynda aıaqtaýlaryńyz qajet",- dedi óńir basshysy.
О́ńir basshysy Áıteke bı aýdany ákimi Darhan Ermaǵambetovtyń nazaryn Qarabutaq aýylyna aýdardy.
"Bul burynǵy aýdan ortalyǵy. Eldi mekenniń áleýeti joǵary. Onyń aýmaǵymen "Batys Eýropa-Batys Qytaı" halyqaralyq avtokólik dálizi ótedi. Barlyq múmkindikti paıdalaný kerek", - dedi oblys ákimi. Kezdesý sońynda aýdandardy áleýmettik-ekonomıkalyq jaǵynan ári qaraı damytýǵa baǵyttalǵan birqatar tapsyrmalar berildi, aldaǵy ýaqytta basty nazardy aýyl sharýashylyǵyn damytatyn memlekettik baǵdarlamalardyń, "Bıznestiń jol kartasynyń", nátıjeli jumyspen qamtý jáne jappaı kásipkerlikti damytý baǵdarlamasynyń júzege asyrylýyn qadaǵalap otyrý tapsyryldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir