29 Naýryz, 2024 Barlyq aımaqtar
Qazaqstanda kommýnaldyq qyzmet aqysy bir jylda 30 paıyzǵa deıin qymbattaǵan
Al uıaly baılanys qyzmetiniń quny 12,4 paıyzǵa ósken.
Foto: kórneki sýret
Finprom.kz-tiń zertteýinshe, osy kezeńde sý tartý qyzmetteriniń baǵasy jylyna 33,9%-ǵa ósti, bul basqa kommýnaldyq qyzmetterge qaraǵanda joǵary bolyp otyr. Osyǵan uqsas baǵanyń ósýi mynadaı kommýnaldyq qyzmetterde de baıqalady:
ortalyqtandyrylǵan jylytý – 30,9%;
salqyn sý – 30,8%;
qoqys shyǵarý – 30,7%;
ystyq sý – 29,4%;
elektr energııasy – 19,9%.
Joǵaryda atalǵan qyzmetterdiń baǵasynyń ósýi qyzmet kórsetý salasyndaǵy ortasha baǵanyń ósýinen birneshe ese joǵary.
Al uıaly baılanys qyzmetteriniń baǵasy bir jyl ishinde 12,4%-ǵa ósti.
Qyzmet kórsetýshiler baǵany kóterý sebebi – ınvestısııa. Kommýnaldyq qyzmetter men baılanys salasy kóp qarjyny, ınvestısııany qajet etetin salalar. Investısııanyń bolmaýy Ekibastuz, Rıdder jáne elimizdiń basqa da eldimekenderinde oryn alǵan apatty jaǵdaılarǵa alyp keledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir