Qyrǵyzstanda mınıstrlerge toıǵa barýǵa tyıym salyndy

Qyrǵyzstan premer-mınıstri Aqylbek Japarov prezıdent ákimshiliginiń alqa májilisinde úkimet músheleriniń toıǵa barýyn synǵa aldy. Bul týraly 24.kg aqparat agenttigi habarlady. 

Sonymen qatar, Aqylbek Japarov mınıstrlerge el prezıdentiniń jarlyqtary men tapsyrmalary sapaly jáne ýaqytyly oryndalýy kerek ekenin eskertken.

"Ysyrap bolyp jatqan jerge barmańyzdar. Toıǵa barmańyzdar", - dep málimdegen premer-mınıstr. 

Eske sala keteıik, 2022 jyldyń aqpan aıynda Qyrǵyzstanda prezıdenti qoǵamdyq is-sharalar kezindegi shekteýler týraly jarlyqqa qol qoıǵan. Qujattyń negizgi maqsaty – halyqtyń áleýmettik-ekonomıkalyq ómir súrý deńgeıin kóterý, dinı rásimder men basqa da is-sharalardy ótkizý kezinde ysyrapshyldyqqa jol bermeý.