Blogerden qashqan Qonaev qalasynyń prokýrory jazalandy

Áleýmettik jelide blogerden qashyp bara jatqan prokýrordyń vıdeosy tarap, keıin vıdeodaǵy Qonaev qalasynyń prokýrory ekeni anyqtalǵan bolatyn. Bas prokýratýra osy oqıǵaǵa qatysty tergeý qorytyndysyn jarııalady.

"Tekserý qorytyndysy boıynsha, vıdeoda kórsetilgen prokýrorlar tártiptik jaýapkershilikke tartyldy", - degen Bas prokýratýranyń kadr qyzmeti Tengrinews.kz redaksııasyna bergen jaýabynda.

Eske sala keteıik, buǵan deıin áleýmettik jelide blogerden qashyp bara jatqan prokýrordyń vıdeosy tarap, qyzý talqyǵa túsken bolatyn. Jeli qoldanýshylary blogerlerdi jaýapqa tartýǵa shaqyrǵan edi. 

"Almaty oblysynyń prokýratýrasy vıdeony túsirgen blogerlerdiń jaýapkershiligi týraly másele kótergen joq, alaıda vıdeoda kórsetilgen qyzmetkerler jeke quqyqtaryn qorǵaý úshin sotqa óz betinshe júginýge quqyly", - dep málimdedi Bas prokýratýranyń kadr qyzmeti departamenti.