10 jyl boıy jynysyn jasyryp kelgen áıel mıllıoner atandy

Afrıkalyq turǵyn  Pıllı Hýseın baǵaly tastardy taýyp alyp baı áıelge aınalǵan dep habarlaıdy Qamshy aqparattyq agenttigi.

Kúıeýinen qashyp ketip Kılımandjaro taýynda turyqtap qalǵan ol dál osy taýda  óziniń sátti qadamyn jasaǵan.

Pılı Hýseın almazdan myń ese sırek kezdesetin asa baǵaly tasty izdeýge shyǵady. Shahtaǵa áıel adamdardy kirgizbeıtindikten ol er adamnyń kıimin kıip on jyl boıy qasyndaǵy jumysshylardy aldap kelgen.

Bala kezimnen bastap ul sekildi óskenin aıtqan Pıllı ákesi de oǵan ul bala retinde qaraǵanyn jetkizgen. Maǵan mundaı ómir tozaq bolyp kórinetin deıdi áıel.

Turmys qurǵan soń tipti jaǵdaıy nasharlaǵan áıel kúıeýinen qashyp jumys izdeıdi. Osy kezde Tanzanııadaǵy Merelanı qalasyna joly túsedi. Kılımandjaro  mekeni -kók tústi tanzanıt baǵaly tasy kezdesetin jalǵyz jer.

Shahtada 10–12 saǵat boıy jumys istep  erekshe tasty izdegen eken. Arada bir jyl ótken soń tanzanıt tastaryn taýyp birden baı áıel bolyp shyǵa kelgen. Osydan keıin ákesine, eki sińilisine úı satyp alyp bergen. Shahterlerdi jumysqa alyp qural-jabdyqtar satyp alǵan. Pıllıdiń er adam ekenin tek shahterlerdiń biri turǵyn áıelderdiń birin zorlaǵany týraly belgili bolǵanda er adam bolyp júrgen áıeldiń shyndyǵy ashylǵan. Alaıda jumysshylar men jergilikti turǵyndar kóp ýaqytqa deıin bul jańalyqqa sene almaǵan.

Búgingi kúni Pıllıdiń baǵaly tastarmen aınalysatyn kompanııasy bar. Onda  70  qyzmetker jumys isteıdi. 

Sholýshy: Nazerke MUSA