Almatyda 14 myńnan astam adamda jeke kýálik joq

Almaty kóshi-qon qyzmeti zańǵa sáıkes, Qazaqstan Respýblıkasynyń aýmaǵynda turaqty turatyn azamattarda on alty jastan bastap beriletin QR azamatynyń jeke kýáligi bolýy kerektigin aıtty. Almatyda 16 jastan asqan 14 myńnan astam adamnyń jeke kýáligi joq.
16 jasqa tolǵan Qazaqstan Respýblıkasy azamatynyń jeke basyn kýálandyratyn qujattardy qujattandyrý máseleleri boıynsha memlekettik kórsetiletin qyzmetti alý úshin kórsetiletin qyzmetti berýshige:

16 jastaǵy adamnyń týý týraly kýáliginiń túpnusqasy;
qujattalatyn adamnyń óziniń bolýy;
ata-analardyń bireýiniń nemese zańdy ókildiń mindetti túrde qatysýy qajet.

Qujattardy óńdeý ýaqyty demalys jáne mereke kúnderin qospaǵanda, 15 jumys kúnin alady. Sondaı-aq, qujatty jedeldetilgen túrde daıyndaý qyzmeti bar:

1-sanat boıynsha qujat daıyndaý 1 jumys kúnin alady (tirkeý kúni qosylmaıdy) quny 3011 teńge 12 tıyn.
2-sanat boıynsha qujat daıyndaý 3 jumys kúnin alady (tirkeý kúni qosylmaıdy) quny 1581 teńge 14 tıyn.

Sonymen qatar jeke basyn kýálandyratyn qujatsyz bir aıdan astam ýaqyt turý Qazaqstan Respýblıkasynyń “Ákimshilik quqyq buzýshylyq týraly” Kodeksiniń 493-babynyń erejelerine sáıkes ákimshilik jaýapkershilikke ákep soǵady.