03 Naýryz, 2014 NEWS
Patrıottar: Tart qolyńdy táýelsizdikten!
Erteń, 3 naýryz kúni saǵat 12.00-de Almaty qalasynda Jandosov pen Baızaqov kósheleriniń qıylysyndaǵy RF-nyń Bas Konsýldyǵyna jáne Astana qalasyndaǵy Reseı...
Erteń, 3 naýryz kúni saǵat 12.00-de Almaty qalasynda Jandosov pen Baızaqov kósheleriniń qıylysyndaǵy RF-nyń Bas Konsýldyǵyna jáne Astana qalasyndaǵy Reseı elshiliginiń aldynda saǵat 13.00 de ult janashyrlary jınalmaqshy. Mundaı qadamǵa patrıottardy Reseıdiń Ýkraınaǵa basyp kirýi, sońǵy ýaqyttaǵy Reseıdiń Lımonov, Jırınovskıı sekildi "urda-jyq" saıasatkerleriniń Qazaqstanǵa kórsetken quqaıy ıtermelep otyrǵan sekildi. Jurttyń aıtýynsha, Reseı keshe Abhazııa men Osetııa, búgin Qyrym, erteń Soltústik Qazaqstandy basyp alýy múmkin.
Shara týraly belgili jýrnalıst Qasym Amanjol: "Erteń biz QR Konstıtýsııasy kepildik bergen Azamat retindegi zańdy quqymyzdy paıdalanamyz. Reseı konsýlyna beıbit túrde narazylyǵymyzdy bildiremiz. Ár eldiń táýelsizdigi men azattyǵyna, shekarasyna qol suǵylmaýyn suraımyz. Siz Bizben birgesiz be, zamandas?" dep jazady FB jelisinde.
Al, saıasattanýshy Aıdos Sarym: "Bir nárseni túsingenimiz abzal: Eger Reseı ózine jaqyn ýkraın halqyna qarsy soǵys ashýǵa daıyn tursa, qazaqty esh aıamaıtyny anyq. Bılik ne dese o desin, ishteı soǵysýǵa daıyndala bereıik" deı kele, "Kremldiń Qyrymdaǵy Ýkraına agressııasyna patrıottar óz narazylyqtaryn bildiredi. Qazaqstandyq ýkraındar da óz únderin qosatyn shyǵar" -deıdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir