Bir otbasyn qyryp salǵandar jeńil jaza suraıdy

2013 jyly 11 maýsymda Almaty qalasynyń turǵyny, Qytaıdan kelgen qandasymyz Erjannyń otbasy oryny tolmas qazaǵa ushyraǵan edi. Erjannyń úıinde joqtyǵyn paıdalanyp, onyń jaqyn aǵaıyny 19 jastaǵy Elmurat Sheshenqululy men jary Nurgúl Menesbaevany(júkti) óltirgen qanisherler dalada oınap júrgen 7 jastaǵy Sylamnur men 3 jastaǵy Syrmuhammetti úıge shaqyryp, tunshyqtyryp óltirgen.

Ertesinde-aq qolǵa túsken qylmyskerler -  О́zbekstannan kelgen eńbek mıgranty Ihbol Turdıev jáne Taldyqorǵandyq Erlan Mamreev pen Baqytjan Muqajanovtar bolatyn.

5 aı boıy júrgizilgen tergeý-tekserý amaldarynyń nátıjesinde Almaty qalasy qylmystyq ister boıynsha arnaıylandyrylǵan aýdanaralyq sottyń tóraǵasy Bulytbaı Mamytbekov qanisherlerdi ómir boıy qamaq jazasyna kesken. Olardyń múlikteri tárkilenip, ózderi qatań rejımdegi kolonııaǵa jabylatyn bolǵan.

Sottyń bul sheshimi qylmyskerlerdiń «kóńilinen» shyqpapty. Almaty qalalyq sotyna appelesııalyq shaǵym túsirgen olar jazasyn jeńildetýdi suraıdy. Iаǵnı júkti anany, eki sábıdi, bir azamatty, jalpy 5 jan ıesiniń qanyna ortaq bolǵan olar óz qylmystaryn «aýyr emes» dep sanaıtyn kórinedi.  Ásirese Baqytjan Muqajanov tipti óz basyn arashalaǵysy keledi.

Shyndyǵyna kelsek, búkil Qazaq elin qara jamyldyrǵan qanisherlerdiń jazsy -  ómir boıǵy qamaq emes, olarǵa ólim jazasy laıyq edi.

Bir-aq kúnde bar jaqynynan aıyrylǵan Erjan Satybaldy myrzanyń aıtýynsha, olardyń sotqa qaıta aryz berýi qylmyskerlerdiń adamdyqtan shyǵyp ketkendigi, arsyzdyqtyń eń shyńyna jetkendigin kórsetedi. Áıtpese qyrshyndaı sábıdi, júkti anany, jas azamatty esh oılanbastan qyryp salǵandar qandaı keshirim kútpek. «Átteń, olarǵa tek ólim jazasy laıyq edi», - deıdi ol.

Sot erteń, ıaǵnı 3 naýyryzda Naýryzbaı batyr men Qazybek bı kósheleriniń qıylysynda ornalasqan Almaty qalalyq sotynda ótpek.

PS. Átteń! Álde bir tylsymnyń kúshimen álgi jendetterdi qorǵamaq bolǵan advakat ózin kóp emes, bir sekýnd Erjan Satybaldy myrzanyń ornynda kórse ǵoı...