Qazaqtyń jaýy - orystar emes, ishten shyqqan «shubar jylandar»

Bul arada «Qazaq Halqy» dep ádeıi bólip aıtyp otyrǵanymnyń ózindik sebebi bar. Elimizdi meken etetin Qazaqtardan basqa barlyq «qazaqstandyqtardyń» esebi túgel. Ulttyq teńgemizdiń qunsyzdanýy da olarǵa áser etpeıdi. Sebebi, olar o bastan Qazaqty, Qazaqtyń jeke el bolǵanyn qoıyp, Qazaqtyń ulttyq teńgesine de shekesinen qaraǵan. Olar bar tapqan-taıanǵandaryn «dollarmen», «rýblmen» saqtaǵan. Mashkevıch sııaqtylar, tipti, Qazaq esebinen tapqan bar baılyǵyn Izraılge aýdaryp jibergen. An Kım, Soı, Shaı, Mıttal, t.b. baılyǵyn bizdiń ulttyq teńgemen emes, shetel valıýtasymen saqtaıdy. Al, bizdiń orysquldarymyz da olardan kem túspeıdi. Olar  23 jyl ishinde elimizden 145 mlrd. AQSh dollaryn shetel asyryp jibergen.

Sonda jalǵyz sorlap qalǵan taǵy da osy memleketti quraýshy ult – biz, Qazaqtar ǵana! Qazirgi ulttyq teńge qunsyzdanǵannan keıin qaıyrshylyqqa ushyrap qalǵan taǵy da – bizdiń mańdaıynyń sory bes eli ultymyz Qazaqtar! Ýkraınadaǵy uly ózgerister, sol eldiń qanisher basshylarynyń tabandaryn jaltyratyp turýymen aıaqtalǵanyn, bizdiń bılik kórip, bilip otyr. Árıne, ol urylardyń ishteri qan jylaıdy. Biraq, saspaıdy. Sebebi, arqa súıeıtin "orekeńder" bar!

Qashqyn Iаnýkovıch qazirdiń ózinde Reseıden áskerı  kómek surap otyr. Bizdikiler de sóıtedi. Álemniń geosaıası jaǵdaıy ýshyǵyp, ár kim basymen qaıǵy bolyp jatqan tusta bizdiń memleket basshymyz Máskeýge baryp, mıf «EýroAzııalyq odaq» týraly leksııa oqymaq! Buǵan kúlesiń be, jylaısyń ba? Álde sasqan úırek artymen júzediniń kebi me?.. Eldegi sińiri shyqqan Qazaqtarymyz – qaıda, kimge barp shaǵynaryn bilmeı dal. Bizdegi qatardaǵy áli sol «shúldirlegen» qalyptary. Olardyń kúndiz-túni oılaıtyndary – «orekeńder aman bolsyn!». Osy arada taǵy da qaıtalap aıtamyn, Qazaqtyń jaýy - orystar emes, ózimizdiń ishimizden shyqqan «shubar jylandarmyz».

Men tań qalamyn, bular otarlaýshylar tilinde sóılegenderine nege namystanbaıdy eken dep. Biraq, kúni búginge deıin, sol suraǵyma jaýap alǵan emespin.

Teksiz, dinsiz, tilsiz, orysqul bılik jáne olardyń shashbaýlaryn kótergish «shúldirlegishterimiz»de - eshqashan da ulttyq namys bolǵan emes! Bolmaıdy da! Jalǵyz ǵana sorlap júrgen - ózimizdiń Qazaqtarymyz! Myna bılik Qazaqty qorlap bitti. Tipti, bulardy aıaqtaryn taltıtyp qoıyp, Qazaqtyń tóbesine shyǵyp aldy dese de bolady! Ashyǵyn aıtý kerek, myna ulttyq namyssyz oryssha bılikten Qazaqtar ábden sharshady! Shydamnyń da shegi bar ekenin olarǵa ózderiniń qojaıyndarynyń tilinde «shúldirlep» jetkizsem be eken? Odan báribir paıda joq!.

Jumash KО́KBО́RI