Ámbebap polısııanyń "dáret" ańdyǵannan basqa sharýasy joq pa?

«Polıseıler qolyna «qyzyl kýálik» túskennen keıin ol ózin patsha, táńir retinde sezinedi. Oǵan jalaqyny kim tólep jatqanyn umytyp ketedi, al ony halyq tólep jatyr!» Qazaqstan Prezıdenti Nursultan Nazarbaev jaqynda ǵana  Bas prokýrorǵa qarata aıtqan sózinde osylaı dep edi. Mine, búgin parlament minberinde qaralyp jatqan zań-jobasy da osy saqshy myrzalardyń tártibin kúsheıtetin kórinedi. Átteń, Elbasynyń sózi, qaralymdaǵy Zań – «Ámbebap» atalǵan pagondylardyń qulaǵyna áli kirmegen sııaqty.

«Estigen qulaqta jazyq joq». Jaqynda kóliktiń dóńgelegine jel toltyrý úshin Rysqulov-Emsov kósheleriniń qıylysyndaǵy «STO»-lardyń birine barǵanmyn. Bir top jigittiń ishek-silesi qatyp, dabyrlap aıtysyp jatqan áńgime aýanyna eriksiz qulaq túrdim. Sóıtsem, osynaý qatardaǵy «STO»-lardyń art jaǵyndaǵy bir qýysta dáret syndyrǵan birneshe jigitti «ámbebap» polıseılerimiz dereý «quryqtap», aıyppul salyp, tipti, abaqtyǵa toǵytatyndaryn aıtyp, ábden sastyrypty. Aqyry aıyppuldaryn tólep áreń qutylǵan eken.

Sóıtsek, "ámbebaptardyń" áleýeti kúshti sııaqty. Anaý qýyǵy syzdaǵan jigitterdiń meńzegen tusyn baıjalasam, qaıdaǵy bir qaltarys. Sonyń ózin baıyppen baqylap, qalaı shalbaryn sheshti, qalaı dáretke otyrdy bárin qalt jibermegen kórinedi. Saqshylarymyz saq eken deımiz be, buǵan ne deımiz? Álde, polıseılerimizge azamattardyń aýyn ańdyǵannan basqa jumys qalmaǵan ba? Qylmystyń bári ashylyp, qoǵamdyq tártip saqadaı-saı bolǵany ma?

Basqa memleketti qaıdam? Bizdiń eldiń quqyq qorǵaýshylarynyń qyzmeti múldem «aýysyp» ketken. О́zge jurttar jol erejesin buzsań, eskertip, durysyn aıtady, halyqty soǵan tárıbeleıdi. Polısııasy halyqtyń qorǵany. Dáret syndyratyn jer izdep júrseń taýyp beredi... Al bizde bári kerisinshe. Jol erejesin buzsa eken dep turady, dáret syndyrǵaly tursań «qashan sheshedi» dep kútip otyrady.  Bul ne sumdyq?

Qazaqsha aıtqanda, «tileýi jaman».

Haziret Ábdilda