18 Sáýir, 2024 NEWS
Fotokollaj
Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın jobalyq basqarýdyń aqparattyq júıesi tanystyrylǵanyn, onyń kómegimen ulttyq jobalardyń iske asyrylýyna monıtorıng júrgizý tetigi ázirlengenin habarlady.
Aqparattyq júıe naqty ýaqyt rejıminde bógetter qurylysynyń barysyn kórýge, qaýipti jaǵdaılardy baqylaýǵa jáne ýaqtyly sharalar qabyldaýǵa múmkindik beredi.
"Biz onlaın rejımde ákimdikterdiń qandaı is-áreketter jasap jatqanyn qalaı baqylaýǵa bolatynyn kórsettik, bul múmkindikti barlyǵy kóre alatyndaı jáne tótenshe jaǵdaı kezinde bolyp jatqan oqıǵalar týraly túsinikke ıe bolatyndaı etip onlaın rejımde shyǵarýdy usyndyq. Premer-mınıstr Oral jáne Atyraý qalalaryndaǵy sý tasqynyna qarsy júrip jatqan is-sharalardyń barysy týraly beınebaqylaý kameralardy onlaın rejımge shyǵarý jónindegi usynysymyzdy qoldady" dep jazdy Baǵdat Mýsın feısbýk paraqshasynda.
Qazirgi ýaqytta Oral, Atyraý, Qostanaıdaǵy sý tasqynyna qarsy is-sharalar ótkiziletin oryndardan onlaın-translıasııa istep tur.
Onlaın-translıasııany myna jerden kórýge bolady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir