17 Sáýir, 2024 Barlyq aımaqtar
Alaıaqtyq jasaǵan notarıýs sottaldy
Shymkentte notarıýs qylmystyq is boıynsha 9 jábirlenýshige 47 mıllıon teńge kóleminde shyǵyn keltirgen
Kórneki sýret
Sotta anyqtalǵandaı, jeke notarıýs jábirlenýshilerdiń senimine kirip, olardyń osal jaǵdaıyn jáne qyzmettik ókilettigin óz paıdasyna qoldanyp, nesıe nemese kepilshartyn jasaýdyń ornyna, satyp alý-satý shartyn kýálandyrǵany anyqtalǵan. Keıin ol úshinshi tulǵalarǵa menshik quqyǵyn bekitip, Shymkent qalasynyń ádilet organdaryna tirkeý týraly kelisimdi zańsyz jibergen.
Qylmystyq is boıynsha 9 jábirlenýshige 47 mıllıon teńge kóleminde shyǵyn keltirilgen.
Sot alaıaqtyq faktisi boıynsha notarıýsty 4 jyl bas bostandyǵyn shekteýge, al onyń sybaılastaryn 3 jylǵa jáne 3 jyl 9 aı merzimge shartty túrde bas bostandyǵynan aıyrýǵa úkim shyǵardy.
Prokýratýra Shymkent qalasynyń turǵyndaryna notarıýstardyń qatysýymen jyljymaıtyn múlikke qujattardy resimdeý kezinde abaı bolý, qajet bolǵan jaǵdaıda zańgerlerden keńes alý qajettigin eskertedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir