"Joq bızneske aqsha bólgen": Jumyspen qamtý ortalyǵynyń qylmysy áshkere boldy

Aqtóbe oblystyq prokýratýrasy ishki eńbek naryǵyn qorǵaý jáne halyqty jumyspen qamtýǵa járdemdesý maqsatynda jumyspen qamtý ortalyqtaryna tekseris júrgizdi. Tekserý barysynda bıýdjet qarajatynyń negizsiz jumsalǵany anyqtaldy.

"Jumyspen qamtý jáne áleýmettik jumys oryndaryn qurý is júzinde júzege aspaǵan. Sondaı–aq, kásipkerlerge grant bólý kezinde de kóptegen zańbuzýshylyq oryn alǵan", - dep málimdedi Aqtóbe oblysy prokýrorynyń kómekshisi О́rken Eshanov.

Memleket kásipkerlerdi qoldaý maqsatynda 400 aılyq eseptik kórsetkish mólsherinde, ıaǵnı 1 225 200 teńge qaıtarymsyz grant usynady. Alaıda Aqtóbedegi ýákiletti organdar bul talapty oryndamaǵan.

Mysaly jumyspen qamtý ortalyǵy shaǵyn bıznesti qoldaý maqsatynda "Moı sam" kólik jýý ortalyǵyn ashýǵa 1 225 200 teńge kóleminde grant bólingen. Biraq is júzinde mundaı ortalyq joq bolyp shyqty.

Sonymen qatar,  jumysy bar adamdarǵa jumyssyzdarǵa beriletin járdemaqy negizsiz tólenip kelgen. Zańdy belshesinen basqan mamandar qatań jaýapkershilikke tartylyp, keıbiri qyzmetinen bosaǵan.